A Bird Cage Stay & Cottage

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Bokstraat 11, Haenertsburg, 0731, Limpopo
Vanaf R1 180 per nag (plek vir 2)

Beskrywing

A Bird Cage Stay & Cottage bied knus selfsorgverblyf in die bekoorlike dorpie Haenertsburg. Dit is ongeveer 1 km van die middedorp af geleë, wat dit 'n wonderlike opsie maak vir óf 'n gesin óf 'n groep vriende wat die stad se gewoel wil ontsnap.

Hierdie eiendom bied die opsie van óf 'n kothuis met slaapplek vir 2 óf 'n hoofhuis met slaapplek vir 6. Die kothuis beskik oor 'n slaapkamer wat met 'n koningingrootte-bed ingerig is, terwyl die hoofhuis beskik oor 3 slaapkamers wat onderskeidelik ingerig is met 2 koningingrootte-beddens en 2 enkelbeddens. Die kothuis het 'n en suite-badkamer met 'n stort, terwyl die hoofhuis 2 badkamers het waarvan een 'n en suite-badkamer is. Alle linne word voorsien; gaste moet egter hul eie handdoeke saambring.

Die kothuis het 'n kombuisie wat toegerus is met 'n tweeplaatstoof, mikrogolfoond, yskassie, broodrooster, eetgerei en breekware asook tee- en koffiemaakgeriewe. Die hoofhuis het ook 'n volledig toegeruste kombuis. Elke eenheid het 'n knus sitkamer met gemaklike sitplek; die hoofhuis sluit egter 'n kaggel en 'n TV in. Komplimentêre WiFi is in albei eenhede beskikbaar.

Die hoofhuis beskik ook oor 'n lieflike sonkamer waar gaste bedags kan ontspan. Gaste kry veilige parkeerplek op die perseel. Die ligging van hierdie eiendom is stapafstand vanaf die klein dorpie en die beginpunt van Iron Crown-staproetes.

Kry ’n Kwotasie