Acorn Guest Farm

Selfsorg

Kapasiteit: 17 persone
Alle ouderdomme is welkom
Inkloktyd: 13:00 tot 19:00
Uitkloktyd: 10:00
Adres: R33, Twyfelaar, Carolina, 1185, Mpumalanga
Vanaf R900 per nag, vir 2 mense

Beskrywing

Acorn Guest Farm is net langs die R33 Carolina geleë, 22 km vanaf die N4 en 80 km vanaf Dullstroom. Dit is die perfekte wegbreekplek vir familie of vriende in die ou, pragtige plaashuis wat in 1913 gebou is.

Dié hoofhuis kan 11 gaste gerieflik akkommodeer, met 'n groot leefarea asook 'n volledig toegeruste kombuis.

Daar is 3 suites met slaapplek vir 2 gaste elk, wat beskik oor en suite-badkamers met 'n stort, wasbak en toilet. Ander geriewe sluit 'n tee- en koffiemaakstasie in. Die 3 Suites is losstaande eenhede, en is sowat 50 m van die gastehuis af geleë en omring deur veld met 'n uitsig oor die trou-venue sowat 100 m verder.

Acorn Guest Farm het 'n ruim en oop erf en bied verskeie doendinge vir oud en jonk, insluitend voetslaan- en fietsroetes, perdry, visvang en bordspeletjies is op versoek beskikbaar. Gaste het toegang tot Wi-Fi.

Die lieflike trou- en geleentheidslokaal kan tot 120 afgevaardigdes huisves. Dit is die ideale tussenstop op pad na die Krugerwildtuin of Swaziland. Acorn Guest Farm is ook net 20 km vanaf Carolina geleë.

Kry ’n Kwotasie