Adama Artistic Chalets & Teepees

Selfsorg

Kapasiteit: 32 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Tarentaalstraat 18, Dinokeng Wildreservaat, Dinokeng, 0400, Gauteng
Vanaf R1 000 per nag, vir 2 mense

Beskrywing

Adama Artistic Chalets & Teepees in a omgewings vriendelike solar aangedrewe bosverblyf in die hartjie van die bosveld, in die Dinokeng Wildreservaat, slegs 48 km van Pretoria af, geleë. Dit is die ideale plek vir 'n naweekwegbreek, weg van die besige stadslewe.

Adama bied verblyf in 6 individueel versierde chalets en 2 Teepee-tente, omring deur ongerepte bosveld en wild wat vrylik rondbeweeg.

Al die eenhede het goed toegeruste kombuise met handgemaakte breekware en meubels. Die Kingfisher- en Hoopoo-chalets is met hooibale, klei en gras gebou. Plover en Bushbaby is met baksteen- en sinkdakke gebou en het rietplafonne aan die binnekant.

Elke chalet het 'n privaat opelug-boma, waar gaste om die vuur kan sit en braai by die vuurput, terwyl hulle na die jakkals se roep in die verte luister.

Elke Teepee-tent met 'n Indiese styl het 'n privaat boma en vuurput, 'n ten volle toegeruste kombuis, 'n badkamer met 'n stort, toilet en wasbak, 'n onderdakstoep, 'n waaier, verwarmer en 'n donsveer-duvet.

Die lodge het 'n gemeenskaplike swemdam, wat 'n kort entjie se ry vanaf die chalets is. Daar is 'n selfry-roete van ongeveer 140 km, wat geskik is vir sedan-voertuie. Daar is ook 'n roete van 'n ekstra 23 km, wat geskik is vir voertuie met 'n hoë grondvryhoogte en 4x4's.

Let asb. dat die eenhede in die reservaat nie omhein is nie. Gaste moet bewus wees van hul omgewing en mag nie in die bos gaan stap nie. Indien gaste klein kinders het, moet hulle te alle tye onder volwasse toesig wees. Geen honde word in die reservaat toegelaat nie. Die laaste 2 km na Adama toe in n grondpad wat n nationale pad is na Cullinan en dus moet besoekers versigtig ry met enige voertuig!

Kry ’n Kwotasie