African Sun Guest House

Gastehuis

Kapasiteit: 56 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Geelhoutboom Straat, George, 6531, Wes-Kaap
Vanaf R750 per nag, vir 1 mens
TGCSA-gradering:

Beskrywing

African Sun Guest House is aan die buitewyke van George, op die Outeniekwa se landelike Hopsroete, geleë. Geniet 'n plaasondervinding sonder enige grondpaaie met die dorp net 'n paar minute ver.

Ons is op die R404, slegs 2 km vanaf die bekende Fancourt Gholflandgoed, geleë en is ook net 4 km van die George-lughawe af.

Die gastehuis is op 'n kleinhoewe, omring deur aarbei- en framboosvelde, geleë en ons is binne stapafstand vanaf 'n landerye waar die publiek aarbeie kan pluk. Daar is 'n heelwat doendinge vir kinders sooos 'n treintjie, ponieritte en 'n speelpark. Die Redberry Aarbeifees vind ook jaarliks in September plaas.

Daar is ook 2 wêreldbekende vliegskole by die George Lughawe. Ons het al menige internasionale studente wat by die skool ingeskryf is gehuisves.

Begeleide toere kan na die Three Chameleons Gholfbaan, Redberry Plaas, Silver Lily Cheese Farm en Utopia Wildsplaas gereël word. Dit is alles binne 'n radius van 2 km van ons af.

Die kuslyn strek vanaf Stilbaai tot by Plettenbergbaai waar jy aan doendige soos walviskyk (tydens die seisoen tussen Junie en November) kan deelneem. Daar is ook pragtige kusstroke waar hulle van die land af dopgehou kan word.

Heroldsbaai is 'n 10 minute-motorrit van ons af, waar snorkel-duikers en kinders die wit sandbaai met veilige getye-poele kan geniet.

African Sun is aan die voet van die majestueuse Outeniekwaberge geleë, en bied verskeie staptoere met talle stroompies en watervalletjies wat die verskillende spesies van fynbos en proteas voed. Gaan op die skilderagtige roete na Oudtshoorn met die bekende Montagu-pas met sy ryk geskiedenis terwyl jy die wyn- en vrugteplase verken.

Die Tuinroete strek tot by Stormsrivier. Verken die area vanaf Wildernis, Knysna en Plettenbergbaai al met die roete langs tot in die Tsitsikamma-woud, ongeveer 150 km van ons af.

Die Garden Route Mall bied 'n wye verskeidenheid winkels om in al jou behoeftes te voldoen.

B&B- of selfsorgverblyf is beskikbaar.

Die verblyf word deur 'n gesin bestuur en die bestuurders wil seker maak dat hulle altyd beskikbaar is en sodoende in elke individu se behoeftes te voldoen. By ons kan kinders 'n heerlike plaaslewe-ervaring kom ervaar, waar hulle die diere kan voer en vars eiers kan versamel.