Agama River Camp

Lodge

Kapasiteit: 76 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: C19 tussen Solitaire en Sesriem, Sesriem Canyon, 0000, Hardap
Vanaf R5 460 per nag, vir 2 mense

Beskrywing

Agama River Camp bied verblyf in rivierkamp-chalets en 'n kampeerplek onder skaduryke akasiabome. Die kampeerplek is aan die voet van die Naukluftberge geleë, sowat 30 km suid vanaf Solitaire en 50 km vanaf Sesriem.

Daar is 10 ongekunstelde chalets op die boloop van die Dieprivieroewer. Elke chalet beskik oor lugversorging, 2 driekwartbeddens, bedkassies met lampies, 'n waaier, 'n en suite-badkamer met 'n stort, wasbak en spieël, sowel as 'n aparte toilet met sy eie deur. Elke chalet het 'n dek bo met 'n stoep en stoele - die ideale plek vir sterrekyk en buite slaap.

Die kampeerplekke is op die benedeloop van die Dieprivieroewer geleë in die skadu van groot akasiabome en omring deur 'n houtpaalskeiding wat gaste teen die wind beskut en privaatheid bied. Die kampeerplekke is met skoon riviersand gelyk gemaak. Elke kampeerplek het 'n losstaande kraan, opwasgeriewe, 'n braaiplek met 'n rooster en 'n 12 volt-energiebesparende lig wat aan 'n motorbattery gekoppel kan word. Elke kampeerplek is stapafstand vanaf die gemeenskaplike ablusieblokke. Die gemeenskaplike ablusieblokke is ruim en warm water word elke middag om 17:00 deur donkies voorsien. Elke ablusieblok het 6 storte, 6 wasbakke, 3 toilette, 4 spieëls en 1 bad.

Die hoofkampgeboue beskik oor 'n knus kroeg, 'n restaurant en 'n groot uitkykdek vir sonsondergange. Daar is ook 'n swembad vir gaste om te geniet. Afgesien van die geleentheid om te ontspan in 'n idilliese omgewing, is Agama River Camp die ideale basis vanwaar gaste 2 van die mees dramatiese en pragtige gebiede in Namibië kan verken - die ikoniese rooi duine van Sossusvlei en die bergnatuurskoon, flora en fauna van Namib-Naukluft Nasionale Park .

Kry ’n Kwotasie