Agape Vakansie Huis

Selfsorg

Langtermynverblyf-aanbod 10% af

Kry 10% af vir verblyf wat 6 nagte of langer is. Hierdie aanbod is altyd geldig.

Kapasiteit: 19 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Rooikransiestraat 3, Heroldsbaai, 6529, Wes-Kaap
Vanaf ~~R920~~ R828 per nag (plek vir 3)

Beskrywing

Agape Vakansie Huis skuil langs natuurlike fynbos en bied selfsorgverblyf in Heroldsbaai, 1.2 km van die strand af.

Verblyf word in 2 eenhede gebied naamlik die Agape Vakansie Woonstel met slaapplek vir 2 tot 4 of die Agape Vakansie Huis met twee verdiepings en slaapplek vir 10. Badhanddoeke word voorsien, maar gaste moet asb. hul eie strandhanddoeke saambring.

Die groot vakansie eenheid op die eerste verdieping en is ideaal vir 'n groep of 'n familie. Hy beskik oor 4 slaapkamers en 2 badkamers met 'n bad en storte. Die boonste slaapkamer het 2 dubbelbeddens. Die kombuis is volledig toegerus en gaste kan hul maaltye by die etenstafel geniet wat 'n uitsig oor die area bied. Die huis het 'n lekker sitarea, maar let asb. daarop dat die eenheid nie 'n TV het nie. Die leefarea lei na 'n houtdek met braaigeriewe, 'n oefensetperk en 'n trampolien. Dié geriewe is slegs vir gaste van die huis en word nie met die woonstel gedeel nie.

Die Agape Vakansiewoonstel is onder die hoofhuis en het 'n oopplan-uitleg met 'n koningingrootte-bed, 'n slaapbank asook 'n en suite-badkamer met 'n stort. Die kombuisie is volledig toegerus en daar is 'n TV. Gaste is welkom om hul eie DStv-dekodeerder, slimkaart en afstandbeheer saam te bring.

Heroldsbaai bied verskeie doendinge, soos swem, visvang, branderpalnkry, voëlkyk, gholf by Oubaai Gholfklub en walvis- en dolfynkyk in seisoen.

Die huis maak van sonkrag gebruik.

Kry ’n Kwotasie