Airlie Road Family Retreat

Selfsorg

Kapasiteit: 7 persone
5 volwassenes, 2 kinders
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Airlie-weg 9, Bergvliet, 7945, Wes-Kaap
Vanaf R2 750 per nag, vir 5 mense

Beskrywing

Airlie Road Family Retreat is 'n bekoorlike huis in die gesogte, lowerryke woonbuurt Bergvliet en bied ruim, gerieflike selfsorgverblyf naby Constantia. Dit is die ideale opsie vir familie en vriende wat ontspannnende vakansieverblyf met vermaak soek.

Dié huis beskik oor 4 slaapkamers, 2 badkamers en 'n aparte toilet. Die hoofslaapkamer en die tweede slaapkamer het elk 'n koningingrootte-bed en die hoofslaapkamer het 'n en suite-badkamer met stortgeriewe. Die derde slaapkamer het 'n enkelbed en 'n bed vir 'n kind. Die vierde slaapkamer het ook 'n bed wat vir 'n kind geskik is. Die gedeelde badkamer het 'n bad en 'n stort.

Die oopplan-kombuis is met 'n yskas-vrieskas, mikrogolf, oond, stoof, skottelgoedwasser, wasmasjien, eetgerei, breekware en tee- en koffiemaakgeriewe toegerus. Die leefarea het 'n kaggel, gemaklike rusbanke en 'n TV met Netflix. Hierdie area lei na 'n vermaakarea met buitesitplek en 'n eetarea met 'n uitsig oor die kinderspeelarea.

'n Trampolien, Weber-braai en 'n swembad is beskikbaar. Gedeelde parkeerplek word voorsien en die motorhuis sluit 'n trapmeul, basiese gimnasiumtoerusting en 'n ekstra yskas en vrieskas in. Die bestuurder op die perseel woon in 'n privaat kothuis met twee katte, apart van die gaste-areas.

Kry ’n Kwotasie