Albatros @ Stilbaai

Selfsorg

Kapasiteit: 9 persone
Alle ouderdomme is welkom
Inkloktyd: 14:00 tot 18:00
Uitkloktyd: 09:00
Adres: Albatroslaan 23, Stilbaai, 6674, Wes-Kaap
Vanaf R2 550 per nag (plek vir 9)

Beskrywing

Albatros @ Stilbaai is 'n lieflike 3-slaapkamer vakansiehuis in Stilbaai. Die huis is binne 15 minute se stap vanaf die strand, die hawe en die gholfbaan geleë en is ideaal vir 'n groep of gesin van 8 mense.

Die hoofslaapkamer is ingerig met 'n dubbelbed, die tweede kamer met 'n dubbelbed asook 2 driekwartbeddens, en die derde kamer het 3 driekwartbeddens. Linne, sowel as 'n ekstra kombers, word voorsien, maar gaste is welkom om hul eie of meer beddegoed saam te bring. Die eerste badkamer het 'n bad, wasbak, toilet en stort, en die tweede badkamer het 'n stort, toilet en wasbak. 'n Buitestort met warm water is ook beskikbaar. Gaste moet asseblief hul eie handdoeke saambring.

Die oopplan-kombuis is volledig toegerus vir selfsorg met 'n gasstoof en oond, 'n mikrogolfoond, 'n yskas-vrieskas asook 'n skottelgoedwasser en 'n wasmasjien. Die sitkamer is toegerus met 'n TV en DStv is beskikbaar teen 'n ekstra koste per dag. 'n Tafeltennistafel is beskikbaar in die groot binnebraai-area. Wi-Fi is ook beskikbaar.

Stilbaai bied 'n verskeidenheid besienswaardighede en doendinge wat wissel van die Inverroche-stokery, voëlkyk, voetslaan in die natuurreservate en die voer van die palings by die Stilbaai-toerismeburo.

Albatros @ Stilbaai sal alles in hul vermoë doen om jou welkom te laat voel.

Kry ’n Kwotasie