AlCoPe Residence

Selfsorg

Langtermynverblyf-aanbod 10% af

Kry 10% af vir verblyf wat 10 nagte of langer is. Hierdie aanbod is altyd geldig.

Gratis kansellasie tot 1 week voor jou verblyf!
Kapasiteit: 2 persone
Geen kinders onder 12
Inkloktyd: 14:00 tot 20:00
Uitkloktyd: 10:00
Adres: Burgerlaan, Proteahoogte, 7560, Wes-Kaap
Vanaf ~~R800~~ R720 per nag (plek vir 2)

Beskrywing

AlCoPe Residence bied gerieflike oornagverblyf in die stil woonbuurt Proteahoogte in Brackenfell, een van die noordelike voorstede van Kaapstad.

Hierdie selfsorg-eenheid is langs die hoofhuis geleë en beskik oor 'n privaat ingang en parkeerplek agter 'n afstandbeheerde hek. Die eenheid het 'n oopplan-uitleg met 'n leefarea, 'n slaaparea, 'n kombuisie en 'n en suite-badkamer.

Die slaaparea het 'n dubbelbed en die badkamer het 'n instapstort, toilet, wasbak en 'n wasmasjien. Alle beddegoed, handdoeke en toiletpapier word voorsien. Hoewel seep en sjampoe op versoek voorsien kan word, word gaste aangemoedig om hul eie te bring.

Die kombuisie is met 'n yskas-vrieskas, mikrogolfoond, broodrooster, ketel, braaipan, lugbraaier en breekware en eetgerei toegerus.

Die leefarea het 2 gemaklike stoele, 'n slim-TV en lugversorging. Let daarop dat die slim-TV slegs toegang tot Netflix het, maar gaste kan met hul eie DStv Now- en YouTube-besonderhede inteken. Die TV het ook toegang tot die internet vir ander toepe soos YouTube Music en SABC Sport. Daar is ook vinnige Wi-Fi beskikbaar. Die eenheid lei na 'n geplaveide gedeelte. Draagbare braaigeriewe is beskikbaar op aanvraag.

Tydens verblyf langer as 'n week word die eenheid een keer per week skoongemaak en die beddegoed vervang.

AlCoPe Residence is 2 km vanaf die Checkers-winkelsentrum, 3 km vanaf Fairbridge Mall, 4 km vanaf die Pick 'n Pay Hipermark en 5 km vanaf Mediclinic Cape Gate geleë. Die woonstel is naby die N1-snelweg en groot winkelsentrums soos Cape Gate, Tygervallei en Century City. Die Stellenbosch- en Durbanville-wynroete is albei minder as 30 km van die woonstel af.

Kry ’n Kwotasie