Beskrywing

Alikreukel is 'n lieflike selfsorg-vakansiewoonstel in die hartjie van 'n besige area in Hartenbos. Dit is ideaal vir 'n gesinsvakansie aangesien dit stapafstand van die strand en ATKV se vermaakarea is.

Die grondverdiepingwoonstel bied slaapplek aan 5 gaste en beskik oor 2 slaapkamers en 'n badkamer. Die hoofslaapkamer het 'n koninggrootte-bed en die tweede slaapkamer het 2 enkelbeddens en 'n ekstra matras. Die badkamer het 'n instapstort, wasbak en toilet. Alle linne word voorsien, maar gaste moet hul eie handdoeke saambring.

Die oopplan-leefarea beskik oor 'n kombuis wat met 'n stoof, oond, gasplaat, mikrogolf, yskas-vrieskas, eetgerei, breekware en 'n toonbank met stoeltjies toegerus is. Daar is ook 'n wasmasjien. Die kombuis lei na 'n sitarea met gemaklike sitplek en 'n platskerm-TV met die volle DStv-pakket. Daar is ook 'n etenstafel waar gaste maaltye saam kan nuttig. Gratis WiFi is beskikbaar.

Die leefarea lei na 'n onderdakstoep met buitesitplek waar gaste met 'n oggendkoffie of skemerkelkie kan ontspan. Ingeboude braaigeriewe is reg voor die woonstel beskikbaar. Gaste het toegnag tot 'n veilige onderdakparkeerplek binne die kompleks.