Beskrywing

Allendale is 'n plaas in die Oos-Kaap in die pragtige Graaff-Reinet-distrik - die juweel van die Karoo. Dit is sentraal geleë tussen Graaf-Reinet en Nieu-Bethesda.

Die gaste-kothuis beskik oor 'n oopplan-leefarea en -kombuis en 'n aparte hoofslaapkamer. Die slaapkamer het 'n en suite-badkamer wat ook via die sitarea bereikbaar is. Die sitarea beskik oor 2 dagbeddens wat as slaapplek vir nog 2 gaste ingespan kan word.

Ons bied selfsorgverblyf, aandete en ontbyt, en maak dit dus moontlik vir reisigers van die stad om ook die stilte en prag van die Karoo te kom beleef.

Gaan stap, hou piekniek, drink skemerkelkies in die bos, braai onder die sterrehemel of ontspan sommer net in die tuin. Allendale bied gaste 'n plaas-ervaring teen 'n bekostigbare tarief.