Amakhala Woodbury Lodge

Wildsplaas

Kapasiteit: 16 persone
Geen kinders onder 6
Inkloktyd: 13:00 tot 14:00
Uitkloktyd: 11:00
Adres: N2 tussen Port Elizabeth en Grahamstad, Paterson, 6139, Oos-Kaap
Vanaf R14 740 per nag, vir 2 mense
TGCSA-gradering:

Beskrywing

Woodbury Lodge is in 1999 deur die Gush-familie oopgemaak en is op die Amakhala Wildreservaat. Dié lodge bied 'n afgeleë plek om die Groot 5 in die hartjie van die Oos-Kaapse bosveld te sien. Dit skuil teen 'n krans in die lowerryke bosveld naby 'n rivier en bied 'n pragtige uitsig oor die Boesmansriviervallei.

Daar is 7 gerieflike grasdak-kliphuise wat deur inheemse bome vol voëltjies omring word. Elke eenheid het lugversorging, 'n en suite-badkamer met ondervloerverhitting en 'n privaat dek met 'n uitsig oor die vlakte. Daar is 2 gesinslodges wat elk slaapplek vir 4 gaste het. Omdat die eenhede so afgesonder is, die badkamers pragtig ontwerp is en daar individuele ontspanningsareas buite die lodges is, sal gaste die unieke landskap en pragtige uitsigte in luukse privaatheid kan geniet.

Die eetareas en sitareas bied toegang tot 'n dek met 'n uitsig oor Woodbury se vlaktes. Hier kan gaste die sonsopkoms of 'n skemerkelkie geniet. Alle etes, drankies en 2 wildritte per dag is ingesluit.

Kry ’n Kwotasie