Afgesonder. Was lekker vir ons om te kon wegbreek uit die besige stadslewe.

Rus vir die siel. Hierdie rondawel het die mooiste uitsig en ligging. Dit kyk uit op 'n pragtige riviertjie en berge. Die rondawel is lekker afgeleë en weg van ander mense af so dis privaat. Dit is die perfekte plek om te kom afskakel van die alledaagse gewoel. Vir die avontuurlustiges is die berge daar om uit te klim, so bring jou stapskoene en hoed. Die eienaars is baie vriendelik en behulpsaam.

Pragtige natuurskoon en baie privaat. Perfek as jy wil wegkom van die besigheid en geraas van die stad en die natuur bo luuksheid verkies. Bietjie onkant gevang deur die afwesigheid van 'n yskas maar het 'n plan gemaak met die vrieskas. Fasiliteite bietjie verwaarloos maar die natuurskoon en pragtige staproetes maak meer as op daarvoor.

Stil. Rustig. Mooiste natuur langs die Bells-rivier. Alhoewel ons nie krag gehad het nie, het die eienaar seker gemaak dat ons genoeg flitsligte het. En genoeg hout vir die donkie. En 'n gasvrieskas.

Baie rustige, afgesonderde vakansieverblyf, pragtige natuurskoon, baie behulpsame gasheer. Ek sal weer hier bespreek op my volgende reis deur die Oos-Kaap. Die middelmannetjie van die hoofpad na Amanzi Empilo was hoog vir my plat kar, maar deur versigtig te ry kan jy daar uitkom.

Loved it! Beautiful spot. This little rondavel was heaven. No internet, solar power and a view to die for! And one can keep fit in many different ways.

Baie rustig in die natuur. Dit was my tweede besoek.

Ontsnap van die werklikheid. Hierdie was 'n absolute ongelooflike ervaring. Perfekte ligging, met 'n onbeskryflike uitsig. Alhoewel die eenheid nie krag het nie, was alles perfek ingerig - ongeag die koue. Sonkrag ligte, gasverwarmers, dik komberse, donkie vir vuurwarm water. Dit was die perfekte gesinsontsnapping. Bordspeletjies by kerslig. Ons sal enige tyd weer gaan!

Lieflike verblyf. Ons het baie lekker gebly by die bungalow met alles wat jy nodig het. Die donkie-storte was fantasties en die rustigheid om net te sit en ontspan was lekker. Onthou net dat Rhodes nie diesel het nie.

Wonderful location. Bungalow has everything you need. Very friendly host.The best accommodation in Rhodes. Value for money. In my opinion the only place to consider in Rhodes for accommodation.