Anchor On Sea

Selfsorg

Blits-aanbod 30% af

Kry 30% af vir verblyf voor 31 Januarie 2025. Bespreekbaar tot 10 Nov 2024

Tyd oor om te bespreek

Kapasiteit: 12 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Coetzer-singel 7, Boesmansrivier, 6192, Oos-Kaap
Vanaf ~~R5 000~~ R3 500 per nag (plek vir 12)

Beskrywing

Anchor On Sea is in Boesmansrivier geleë en bied die ideale kustoevlugsoord vir die hele gesin of 'n groep vriende.

Die ruim huis bied slaapplek aan 12 gaste en beskik oor 6 slaapkamers. Daar is 2 slaapkamers met dubbelbeddens en 3 van die slaapkamers het elk 2 enkelbeddens. Gaste deel die gebruik van 2 badkamers, elk met 'n stort, wasbak en toilet. Die solderarea het 'n koningingrootte-bed en 'n en suite-badkamer met 'n stort en toilet. Alle linne en badhanddoeke word voorsien, maar gaste moet egter hul eie strandhanddoeke saambring.

Die huis beskik oor 2 ruim leefareas, elk met sy eie kombuis en eetarea. Die kombuis op die grondverdieping is met 'n stoof, oond, mikrogolf, yskas, ysmasjien en alle nodige eetgerei en breekware toegerus. Hierdie kombuis lei na 'n groot etenstafel met oorgenoeg sitplek en 'n sitarea met 'n gemaklike L-vormige rusbank. Die kombuis op die eerste verdieping is met 'n stoof, oond, vrieskas, yskas, ysmasjien en 'n binnebraai toegerus en het 'n etenstafel met stoele. Gaste kan in die sitarea op die eerste verdieping ontspan waar daar rusbanke en 'n TV is. Daar is ook 'n waskamer met 'n wasmasjien en 'n skottelgoedwasser.

Gaste kan die asemrowende uitsigte op die gemeubileerde stoep met 'n braai-area, geniet. Veilige parkeerplek word voorsien. Vir diegene wat die area wil verken, is Kenton Marina 4,8 km ver, terwyl Shelley Bay 5,1 km ver is.

Kry ’n Kwotasie