Anna Beulah Farm

Selfsorg

Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Contermanskloofweg, Durbanville, 7550, Wes-Kaap
Vanaf R1 485 per nag (plek vir 4)

Beskrywing

Anna Beulah Farm is 'n idilliese, rustige wegbreekplek net 'n klipgooi van die stad af. Dit is op die Durbanville-wynroete met maklike toegang tot die N7 en 'n pragtige uitsig op Tafelberg. Ons bied die perfekte toevlugsoord in die winter óf somer!

Verblyf word gebied in 3 eenhede - 'n houthut vir 6 gaste, 'n tweeslaapkamerkothuis vir 4 gaste en 'n privaat kamer vir 2 gaste. Word soggens wakker met die sang van die voëltjies en geniet jou koppie koffie terwyl jy die uitsig bewonder.

Ons het 'n organiese groentetuin en plaaslike inwoners kom loer gereeld hier in om deur die tuin te wandel en hul eie groente te pluk. Buiten die pragtige tuin het ons ook 'n eko-swembad, plaasdiere, 'n deli, sonderlinge koffiewinkel, kunsvlyt en ander handgemaakte items van plaaslike kunstenaars. Die kans is ook groot dat jy op iets kosbaars sal afkom as jy tussen ons vintage-klereversameling kom snuffel. Verder bied The Clay Café allerlei kunswerke en erdewerk.

Terwyl jy 'n koppie java of een van Hendrik se heerlike etes in die koffiewinkel geniet, kan die kleinspan na hartelus baljaar en na die plaasdiere soos hoenders, perde, donkies en 'n lama of 2 gaan kyk. 'n Venue vir troues of ander funksies is ook by ons te huur.

Kry ’n Kwotasie