Annie's

Selfsorg

Kapasiteit: 4 persone
Alle ouderdomme is welkom
Inkloktyd: 14:00 tot 23:00
Uitkloktyd: 10:00
Adres: Proteastraat 10, Struisbaai, Overberg, 7285, Wes-Kaap
Vanaf R1 000 per nag, vir 4 mense

Beskrywing

Annie's is 'n eenslaapkamerwoonstel met aparte leefarea wat geskik is vir 'n gesin van maksimum 4 persone in 'n baie groot tuin, slegs 500 m van die swemstrand en so 200 m vanaf die winkels en restaurante af.

Dié woonstel is een van 3 eenhede op 'n privaat perseel. Die eenhede word apart verhuur en elke eenheid is 'n volledige aparte woonstel, maar hulle kan ook saam gehuur word. Annie's het 'n onderdakstoep met sy eie braai op wiele sodat jy dit kan rondskuif in die tuin. Daar is nog 'n braai-area laer af in die tuin onder die bome.

Die dubbelslaapkamer het 'n dubbelbed en die leefarea het 2 enkelbed-divans, wat bedags as banke dien en saans as slaapplek. Dit is ideaal vir 'n paartjie of 'n gesin van 4.

Die oopplan-kombuis het 'n yskas/vrieskas kombinasie, mikrogolf, tweeplaatstofie, oond, strykyster, broodrooster en genoeg kombuisgereedskap. Daar is ook tee, koffie, suiker, sout, peper, opwasmiddel en 'n houer met beskuit.

Die TV is aan 'n satellietskottel gekoppel en het 'n OVHD-dekodeerder. Gaste kan hulle eie dekodeerder saambring om DStv te kyk.

Daar is ook onbeperkte WiFi en 'n UPS (ononderbroke kragtoevoer) om WiFi gedurende beurtkrag te verseker.

Die badkamer bestaan uit toilet, wasbak en stort. Toiletpapier en vloeibare seep is ook beskikbaar.

Die groot fynbostuin skep 'n rustige atmosfeer en daar is 'n klomp voëltjies om dop te hou. Sekere dele van die tuin het 'n beperkte see-uitsig en gaste kan die see hoor in die aande.

Kry ’n Kwotasie