Aquaview Beach House

Selfsorg

Kapasiteit: 6 persone
Alle ouderdomme is welkom
Inkloktyd: 12:00 tot 19:00
Uitkloktyd: 10:00
Adres: Greenways-rylaan 40, Kommetjie, 7975, Wes-Kaap
Vanaf R6 900 per nag (plek vir 6)

Beskrywing

Aquaview Beach House is 'n selfsorggastehuis met 3 verdiepings en asemrowende uitsigte oor Long Beach. Dis net 'n klipgooi van die strand af.

Die huis het 'n eenheid wat gerieflik ingerig is vir 6 gaste en 'n atlejee met slaapplek vir 2. Hierdie twee eenhede kan saam verhuur word aan 8 gaste.

Aquaview 1 bied slaapplek aan 6 gaste en beskik oor 3 slaapkamers en 2 badkamers. Die slaapkamers het elk 'n dubbelbed en elke badkamer het 'n stort. Die kombuis is met 'n yskas, mikrogolf, stoof, oond en tee- en koffiemaakgeriewe toegerus. 'n TV is ook beskikbaar.

Aquaview Studio het 'n dubbelbed en 'n en suite-badkamer met 'n stort. Die eenheid is op die onderste verdieping en het 'n yskas, mikrogolf en tee- en koffiemaakgeriewe. Gaste het toegang tot 'n swembad, TV en braai-area.

'n Skakeldeur verbind die kamers met 'n aparte, selfsorg-ateljee vir 2 gaste. Dit het 'n volledige en suite-badkamer en 'n kombuisie. Die boonste verdieping bied 'n panoramiese uitsig oor die see en op die berge en dis ideaal vir gaste wat net wil ontspan.

WiFi en Netflix word voorsien en gaste kan van die ingeboude braai-area in die voortuin gebruikmaak. Die ingeslote agtertuin het 'n warmwaterstort en dis ideaal vir gaste wat die soutwater na 'n swem wil afspoel. Daar is ook 'n wasmasjien, strykplank en 'n strykyster. Die huis het 'n alarmstelsel met laserstraal-sekuriteit en gewapende reaksie.

Kry ’n Kwotasie