Aranos Kalahariland Guest Farm

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 20:00
Uitkloktyd: 11:00
Adres: C20-pad, Wilhebenplaas 685, Aranos, 0000, Hardap
Vanaf R900 per nag, vir 2 mense

Beskrywing

Aranos Kalahariland Guest Farm bied 'n plaaswegbreek omring met rooi duine, wild en pragtige sonsondergange. Die plaas van 11 500 ha is net 14,8 km buite Aranos in die Hardap-streek van Namibië. Die gasteplaas is ideaal vir natuur- en buitelugliefhebbers.

Gerieflike verblyf word in 4 selfsorg-eenhede op die plaas aangebied. Elke eenheid het 2 enkelbeddens of 'n dubbelbed, 'n privaat stort en toilet, en 'n kombuisie met 'n mikrogolfoond, yskassie, eetgerei, breekware en 'n braaipan. 'n Matras is ook vir 'n kind beskikbaar. Tee, koffie, suiker, vars plaasmelk en heerlike tuisgebakte beskuit word met aankoms voorsien. Gratis WiFi is beskikbaar.

Die plaas het braaigeriewe en gaste kan doendinge geniet, soos swem in die plaasdam, stap en 4x4 op die plaas geniet. Die omliggende omgewing spog met 'n hele rits voël- en wildspesies, meestal springbokke en gemsbokke.

Kry ’n Kwotasie