Heerlik. Het baie lekker gekuier - pragtige seeuitsig en baie gerieflik om strand toe te gaan. Slaapkamers baie gerieflik - lekker beddens. Netjiese kombuis. Enigste negatiewe aspek is die badkamergeriewe - die stort is treurig en die badkamer is baie klein.

Baie lekker. Ontspanne en baie lekker ligging.

Die feit dat die huis op die see geleë is, is fantasties. Baie netjies en lekker ruim. Dit was regtig 'n heerlike plekkie om te kuier, en die kombuis is baie gerieflik en groot. Die hoofslaapkamer kyk oor die see wat vir ons baie lekker was. Ons moes net 'n paar goedjies gaan koop wat ons normaalweg in so 'n luukse eenheid sou verwag, soos toiletpapier, skottelgoed tablette vir die masjien, swartsakke, en sout vir die masjien. Daar was ook nie eintlik iets vir loadshedding beskikbaar nie, maar dis nog steeds 'n wonderlike plek om te bly.

'n Juweel van 'n plekkie, skoon en stylvol toegerus met alles wat 'n gesin nodig het om tuis te gaan op die strand! Ons het heerlik gekuier by Arbeidsgenot 3. 'n Pragtige juweel van 'n plekkie op die see. Alles in Arbeidsgenot 3 is baie stylvol, skoon en netjies toegerus. Die see was onstuimig vir 2 - 3 dae, en ons motor was veilig in die motorhuis. Die eienaar was baie behulpsaam en vriendelik. Stewart en sy ma het ons gekontak en ons verseker dat ons veilig kan voel terwyl die see hoogwater was. Hulle het ons ook vriendelik versoek om versigtig te wees en eerder swem in die see te vermy vir ons eie veiligheid gedurende hoogwater. Vanaf die voorstoep en die hoofslaapkamer is daar 'n lieflike see-uitsig! Baie dankie Stewart en Mareen, vir jul vriendelikheid en omgee. Dit was heerlik om by julle tuis te gaan. Ons sien julle graag weer.

Pragtige plek, lieflike ligging. Wonderlike verblyf gewees en goed georganiseerd van bespreking tot uitklok. Baie mooi moderne blyplek met ongelooflike see-uitsig. Reg op die strand.

Wonderlik. Ongelooflike lekker plekkie, see-uitsig pragtig.

Onvergeetlike vakansie in Arbeidsgenot 3. Hierdie is die beste selfsorgeenheid waar ons tot hede toe gebly het. Alles was perfek! Die ligging, geriewe en netheid van die eenheid is onverbeterlik!

Wonderlike wegbreek. Was 'n wonderlike vakansie wegbreek. Die plek is ongelooflik mooi, heerlik op die strand. Sien julle gou weer.

Arbeidsgenot is 'n pragtige plek, baie netjies en het alle geriewe! Uitstekende ligging en vriendelike eienaar. Ons het heerlik gekuier.

Pragtige, moderne eenheid, perfek geleë, sal beslis weer bespreek! Die eenheid voldoen aan alle verwagtings aangesien dit presies lyk soos wat op die foto's daarvan weergegee word. Perfekte ligging!