Beskrywing

Arendsnes bied rustige verblyf in die ongerepte bos van Marlothpark, ’n wildbewarea en vakansiedorpie op die suidelike grens van die Krugerwildtuin. Dis ’n gewilde oornagplek vir gaste wat op pad is na die Krugerwildtuin, Swaziland en Mosambiek en bied ook die geleentheid om die Groot 5 te sien.

Arendsnes beskik oor 2 slaapkamers en 2 badkamers. Die eerste slaapkamer het 'n dubbelbed en die tweede slaapkamer het 'n koningingrootte-bed en 'n enkelbed. Die tweede slaapkamer het 'n en suite-badkamer met 'n bad. Die ander badkamer het 'n stort.

Die kombuis is met 'n yskas-vrieskas, stoof, oond, mikrogolfoond, ketel en basiese eetegrei toegerus. Daar is ook 'n TV met sekere DStv-kanale, braaigeriewe en gratis WiFi.

Aktiwiteite in die area sluit wildritte, wild-en voëlkyk, 4x4-roetes en voetslaanroetes in.