Asemskep Seefront

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Hannes Pienaar-straat, Baydunes 46, Bayview, Hartenbos, 6520, Wes-Kaap
Vanaf R4 000 per nag (plek vir 8)

Beskrywing

Asemskep Seefront is in Bayview, Hartenbos en bied gehalteverblyf aan 'n gesin of groep vriende. Dis naby verskeie winkels, restaurante, die strand, doendinge en besienswaardighede.

Die huis beskik oor 4 slaapkamers en bied slaapplek aan 8 gaste. Die eerste 2 slaapkamers het elkeen 'n koninggrootte-bed en 'n en suite-badkamer. Die hoofslaapkamer het 'n stort, toilet en 'n wasbak. Die derde en vierde slaapkamer het elkeen 2 enkelbeddens en deel 'n badkamer met 'n bad, stort, toilet en 'n wasbak. Daar is ook 'n aparte gastetoilet.

Die kombuis is met 'n stoof, oond, yskas-vrieskas, mikrogolfoond, tee- en koffiemaakgeriewe, eetgerei en breekware toegerus.

Die sitkamer het gemaklike rusbanke en 'n TV met 'n DStv-koppelpunt, gaste moet asb. hul eie dekodeerder saambring. Die eetarea het oorgenoeg sitplek en daar is 'n aparte leefarea.

Daar is lieflike braaigeriewe op die stoep met stoepmeubels.

Gaste het toegang tot veilige parkeerplek op die perseel.

Die groot stoep het 'n uitsig oor die see en Mosselbaai en is die ideale plek vir kersligetes en 'n lekker ontbyt. Daar is 'n groot grasperk voor die stoep wat afgeskort is vir voertuie, so dis veilig vir kinders om te speel. Die strandhuis bied direkte toegang tot die strand via 'n stel trappe voor die huis.

Kry ’n Kwotasie