At 29 Columba

Gastehuis

Kapasiteit: 8 persone
Geen kinders onder 5
Inkloktyd: 14:00 tot 19:00
Uitkloktyd: 10:00
Adres: Columba-sirkel 29, Suiderkruis, Groot-Brakrivier, 6525, Wes-Kaap
Vanaf R1 500 per nag, vir 2 mense
TGCSA-gradering:

Beskrywing

At 29 Columba is 'n gastehuis in Suiderkruis, Groot-Brakrivier in die hartjie van die skouspelagtige Tuinroete geleë. Dit is ideaal geleë tussen George en Mosselbaai en is ideaal vir privaat gaste of families vir familiereünies. Die gastehuis kyk uit op die asemrowende Outeniekwaberge sowel as die hele Groot-Brakrivier.

Die B&B beskik oor 4 kamers op die boonste verdieping en 1 kamer op die onderste verdieping. Kamer 1 tot 4 deel die gebruik van gemeenskaplike areas soos die ten volle toegeruste kombuis, balkonne, braai-area, leefarea, eetarea en 'n sitarea. Die kamers het elkeen 'n privaat badkamer. Daar is DStv in die sitarea.

Kamer 5 deel die leefarea met die eienaar en is veral geskik vir gaste wat nie die trappe kan gebruik nie.

WiFi is gratis en tydens beurtkrag beskikbaar. Veilige parkeerplek word voorsien.

Die pragtige witsandstrande is net 5 minute se stap ver vanaf die huis. Die gastehuis is langsaan die N2 geleë. Dit is die pad wat loop vanaf Kaapstad tot Durban en nog verder noord. Dit bied die ideale ligging die Suid-Kaap te besoek, met George Lughawe net 20 minute se ry ver. Die perseel is naby verskeie venues, restaurante en inkopieswinkels soos De Vette Mossel, De Dekke, Transkaroo en Spar.

Kry ’n Kwotasie