Atlantic Apartment

Selfsorg

Gratis kansellasie tot 1 week voor jou verblyf!
Kapasiteit: 4 persone
Alle ouderdomme is welkom
Inkloktyd: 14:00 tot 00:00
Uitkloktyd: 10:00
Adres: Bella Vista 604, Queens-weg 7, Seepunt, Kaapstad, 8005, Wes-Kaap
Vanaf R3 500 per nag (plek vir 4)

Beskrywing

Atlantic Apartment with Bantry Bay Seaviews bied selfsorgverblyf naby die strand en pawiljoen op die grens van Bantry Bay en Seepunt in Kaapstad.

Die woonstel is volledig gemeubileer en het 2 slaapkamers en 2 badkamers. Die hoofslaapkamer beskik oor ’n koninggrootte-bed en ’n en suite-badkamer. Die tweede slaapkamer het ’n tripelstapelbed - ’n dubbelbed onder en ’n enkelbed bo. Die kombuis is volledig toegerus met ’n wasmasjien-tuimeldroër, skottelgoedwasser, ’n yskas, mikrogolfoond en ander toebehore.

Die oopplan-leefarea het ’n etenstafel met sitplek vir 4 en die sitarea langsaan beskik oor groot vensters wat gedeeltelike uitsigte oor die see en op geboue bied. Daar is veilige parkeerplek vir 1 voertuig en die gebou beskik oor 24 uur-sekuriteit.

Die woonstelblok is ideaal geleë - slegs 5 tot 10 minute vanaf Clifton se strand, 15 minute vanaf Groenpunt Park en 20 minute van die V&A Waterfront (afhangende van die verkeer).

Kry ’n Kwotasie