Atlantic Beach Hotel

Hotel

Kapasiteit: 20 persone
Alle ouderdomme is welkom
Inkloktyd: 14:00 tot 21:00
Uitkloktyd: 10:00
Adres: H/v Commaille-weg en 13de Laan, Melkbosstrand, 7441, Wes-Kaap
Vanaf R2 500 per nag, vir 2 mense
TGCSA-gradering:

Beskrywing

Die boetiek Atlantic Beach Hotel is geleë in die rustige dorpie Melkbosstrand, die poort na die Weskus, en is 300 m vanaf 'n 7 km stuk ongerepte sandstrand, wat 'n ongeëwenaarde uitsig oor Kaapstad se ikoniese Tafelberg bied. Die privaat besit en onafhanklik bestuurde hotel is in 2009 gestig en is versier in rustieke en gedempte kleure, wat die hotel se strandligging weerspieël.

Verblyf word gebied in ruim, en suite, nie-rook slaapkamers. Elke kamer is toegerus met lugversorging en verwarming, 'n komplimentêre kroegie, 'n telefoon, 'n TV met 'n verskeidenheid DStv-kanale, komplimentêre WiFi, 'n elektroniese skootrekenaarkluis, tee- en koffiemaakgeriewe, 'n haardroër en 'n elektroniese skeerprop.

Hotelgeriewe sluit die BELON-kroeg en -restaurant, The BELON-terras, 'n konferensiesentrum met 3 buigsame lokale en moderne geriewe, 'n sakesentrum met werkstasie, komplimentêre WiFi regdeur die hotel en veilige parkeerplek op die perseel in. Bestuur deur 'n span wat trots is op vriendelike, persoonlike en professionele diens, hetsy jou besoek vir besigheid of ontspanning is, die doel is om jou besoek 'n aangename een te maak.

Die Atlantic Beach Hotel is sowat 30 km vanaf Kaapstad se middestad en sowat 40 km vanaf Kaapstad se Internasionale Lughawe geleë, en is 'n ideale plek vir 'n ontspanne wegbreek, vergadering of konferensie. Besienswaardighede en doendinge in die area sluit strande, restaurante, swem, branderplankry, seilplankry, vlieërbranderry, 4x4-roetes, gholf, perdry en natuurreservate in.

Kry ’n Kwotasie