Atlantic Views

Selfsorg

Kapasiteit: 7 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Atlantic-rylaan 30, Yzerfontein, 7351, Wes-Kaap
Vanaf R3 345 per nag (plek vir 7)

Beskrywing

Atlantic Views is 'n pragtige selfsorg-vakansievilla met 'n ongelooflike see-uitsig in die hartjie van die skilderagtige dorpie Yzerfontein. Dit is ideaal vir 'n wegbreek saam met familie en vriende aan die Weskus.

Die villa bied slaapplek aan 7 gaste en beskik oor 3 en suite-slaapkamers. Die hoofslaapkamer het 'n koningingrootte-bed en 'n en suite-badkamer met 'n bad en 'n stort. Die tweede slaapkamer het ook 'n koningingrootte-bed en 'n en suite-badkamer met 'n stort en die derde slaapkamer het 'n enkelbed, dubbelbed en 'n en suite-badkamer met 'n stort. Alle linne en badhanddoeke word voorsien, maar gaste moet hul eie strandhanddoeke saambring.

Die ruim oopplan-leefarea beskik oor 'n kombuis wat met 'n gasstoof, elektriese oond, lugbraaier, mikrogolfoond, yskas-vrieskas, eetgerei, breekware en 'n koffiemasjien toegerus is. Die kombuis het ook 'n ontbyttafel, skottelgoedwasser, wasmasjien en 'n tuimeldroër. Daar is ook 2 etenstafels en 'n sitarea met gemaklike rusbanke, 'n binnebraai en 'n platskerm-TV met Netflix. 'n Kantoor en gratis WiFi is ook beskikbaar.

Die hele leefarea lei na 'n houtdek met sitplek, sonstoele en 'n uitsig oor die see. Die villa het ook 'n onderdakbuitebraai-area met ingeboude sitplek en veilige parkeerplek op die perseel.

Kry ’n Kwotasie