Avenues Guest Lodge

Gastehuis

Kapasiteit: 14 persone
Geen kinders onder 12
Inkloktyd: 14:00 tot 19:00
Uitkloktyd: 10:00
Adres: 32 The Laan, Stellenbosch, 7600, Wes-Kaap
Vanaf R1 700 per nag, vir 2 mense

Beskrywing

Avenues Guest Lodge is 'n lieflike, gerestoureerde huis in die hartjie van Stellenbosch wat by die eeuwisseling gebou is. Gaste kan hierdie studentedorpie vol museums, kunsgalerye, winkeltjies en historiese geboue verken.

Die lodge bied 8 elegante en suite-kamers met 'n keuse tussen enkel-, dubbel- of koningingrootte-beddens. Elke kamer is toegerus met 'n yskassie en koffie- en teemaakgeriewe. 'n Smullekker ontbyt word soggens in die sonnetjie op die patio bedien of in die eetkamerarea as die weer nie wil saamspeel nie. Gaste kan langs die swembad ontspan of nuus of sport in die TV-kamer kyk.

Stellenbosch is die ideale basis vanwaar die nabygeleë dorpies soos Franschhoek, Gordonsbaai, Hermanus en die Paarl verken kan word. Verder kan gaste daguitstappies na Tulbagh, Wellington, Ceres of Langebaan onderneem met 'n watertand-piekniekmandjie en plaaslike wyne. Daar is verskeie restaurante binne stapafstand met heerlike kos of as jy lus is vir 'n glasie wyn kan jy een van die bekroonde wynplase in die omgewing besoek. Avenues is ook naby aan die Universiteit se sportgronde en verskeie gesondheidsentrums.

Kry ’n Kwotasie