Avenues Guest Lodge

Gastehuis

Kapasiteit: 14 persone
Geen kinders onder 12
Inkloktyd: 14:00 tot 19:00
Uitkloktyd: 10:00
Adres: 32 The Laan, Stellenbosch, 7600, Wes-Kaap
Vanaf R1 700 per nag, vir 2 mense

Beskrywing

Avenues Guest Lodge is 'n liefdevol gerestoureerde huis van die eeuwisseling in die hartjie van Stellenbosch. Gaste kan hierdie studentedorpie met sy talle museums, kunsgalerye, kuriowinkels en historiese geboue verken.

Die lodge bied 8 elegant versierde en suite-kamers, met 'n keuse van enkel-, dubbel- of koningingrootte-beddens. Elke kamer is toegerus met 'n minibar en tee- en koffiemaakgeriewe. 'n Heerlike buffet-ontbyt word bedien in die oggendsonskyn buite op die patio of by die binne-eetarea op koeler dae. Gaste kan langs die sprankelende swembad ontspan of nuus of sport in die TV-sitkamer opvang.

Stellenbosch is die ideale basis vanwaar jy die nabygeleë dorpe Franschhoek, Gordonsbaai, Hermanus en die Paarl kan verken. Of maak 'n daguitstappie na dorpe soos Tulbagh, Wellington, Ceres of Langebaan met 'n watertand piekniekmandjie en plaaslike wyne om jou geselskap te hou. Proe die kulinêre lekkernye van die streek by verskeie restaurante binne loopafstand, of besoek een van die vele bekende wynkelders vir 'n wynproe of keldertoer. Avenues is ook naby die Universiteit se sportfasiliteite en talle gesondheidsentrums geleë.

Kry ’n Kwotasie