Valley Lodge - Babanango Game Reserve

Wildsplaas

Soos Gesien op Instagram
Kapasiteit: 18 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: R34, Umfolozi-vallei, Tussen Ulundi en Vryheid, 3850, KwaZulu-Natal
Vanaf R8 200 per nag, vir 2 mense

Beskrywing

Valley Lodge - Babanango Game Reserve is natuurliefhebbers se droom en is in die hartjie van die vallei tussen fauna en flora geleë. Die lodge het 'n uitsig oor die prentjiemooi Nsubeni-riviervallei met glinsterende granietkoppies, sandsteenkranse en kwartsietberge in die agtergrond waar die White Umfolozi-rivier vloei.

Dié lodge beskik oor 4 Luukse Suites, 2 Gesinskamers, 2 Deluxe kamers en 1 Wittebrood-suite wat effens apart van die res van die suites geleë is. Elke luukse suite het lugversorging, 'n en suite-badkamer met komplimentêre toiletware, 'n haardroër, kluis, WiFi, koffie- en teemaakgeriewe én 'n uitstekende uitsig oor die reservaat.

Daar is 'n stylvolle kroeg, sitarea en randvloeiswembad met 'n boma-area.

Die Babanango Wildreservaat is 50 km vanaf Vryheid in die malaria-vrye noordelike KwaZulu-Natal geleë en spog met 22 000 hektaar vol ongerepte wildernis wat net wag om deur bewarings- en natuurentoesiaste verken te word. Die Babanango Valley Privaat Natuurreservaat is die tuiste van kameelperde, hiënas, sebras, verskeie bokspesies en die skaam aardvark en aardwolf.

Die reservaat bied 'n bekoorlike boservaring en die geleentheid om deel van groter baanbrekerswerk te wees. Die plaaslike gemeenskappe sal uit die bewaringsprojek voordeel trek en dit sal kosbare wild vir toekomstige generasies beskerm.

Kry ’n Kwotasie