Breathtaking. Excellent, joyful and memorable.

Baie lekker vir iemand met groot honde! Ons het 2 groot honde saam geneem. Hulle het die spasie geniet en dit was lekker om te weet hulle kan rondhardloop en nie êrens uitkom nie.

Onvergeetlik, asemrowend mooi, vredevol. Baie mooi, groot netjiese huis. Ongelooflike mooi see-uitsig, hoor die golwe breek al dag en nag. Verlief op die stoep! Die tuin hekkie af see toe was die 'cherry' op die koek! See is paar meter van jou af en glad nie moeilik om by uit te kom nie. Jolandi was altyd beskikbaar en vriendelik. Sal beslis weer daar wil gaan vakansie hou.

Lekker groot stoep met perfekte uitsig is die hart van die huis. Die huis is groot en ruim, maar ongelukkig vol van onversorgde oudhede, boeke en bord speletjies. Die somber, koue gevoel van die huis was gou vergete sodra ons op die stoep begin kuier het. Pragtige uitsig, en walvissie was oral te sien. Die oop en toesluit van die hek af na die strand is 'n uitdaging met die elektriese heining in plek. Ons hondekind het die groot grasperk geniet. Ons het in die rooi kamer geslaap en die bed was van goeie gehalte en gemaklik. 'n Spieël anders as dié van die klein kassie sal welkom wees. Geen aanwysings oor hoe om die waterpomp aan te sit nie. Gelukkig het my vriend kennis en kon ons dit vinnig aan die gang kry vir warm water in die gerieflike stort. In die kombuis is daar genoeg eetgerei, 'n groot ys-/vrieskas en 'n skottelgoedwasmajien as 'n bonus. As dit nie vir die wonderlike stoep was nie, sou ons dalk anders gevoel het oor 'n terugkeer.

Rustig, natuurskoon is mooi. Weg van alles. Die huis is goed geleë teen die see en is ook naby aan basiese winkels. Algemene omgewing vat jou uit die besige Noordkus.

Fantasties! Daai stoep is die hart van die plek. Het die hele dag en nag die stoep geniet. Baie dolfyne en walvisse gesien, sommer van die stoep af. Die strand is awesome en 'n maklike loop afstand.

Dit is 'n stukkie hemel op aarde. Fantastiese uitsig teen 'n bekostigbare prys.

Beautiful beach house. Perfect stay with our family and older children. High ceilings and beautiful ocean views. The patio overlooking the beach is huge and undoubtedly the best feature of the house, we spent all of our time outside. Well stocked kitchen with gas in case of load shedding. The place also has back up in case of water issues. Will definitely return.

Weereens 'n onvergeetlike kuier. Dit was ons tweede kuier, maar beslis nie ons laaste nie. Van netheid, veiligheid, vriendelike diens en die perfekte ligging kry Barracuda Boulevard volpunte. Baie dankie Jolandi dat ons weer van julle huis gebruik kon maak, dit bly die beste blyplek in Hibberdene.

Kort, maar baie lekker. Ons het Baracuda Boulevard 670 baie geniet. Dankie.