Onvergeetlik. Rustige atmosfeer. Wonderlik vir 'n groot groep. Eienaars is ongelooflik gasvry. Daar was alles wat ons nodig gehad het in die huis. Die belewenis om 'n merrie te sien vul, was baie spesiaal.

Brilliant. Incredible hosts and place.

Die lekkerste naweek met familie in 'n huis gemaak vir 'n familie. Barry House en die eienaars was absoluut fantasties! Ons het so lekker gekuier en alles was soos wat mens van 'n plaaskuier verwag. Opregte Kaapse gasvryheid en omgee. Ons sal vir seker weer gaan en beveel dit 200% aan. Stoepkuiers kan nerens so lekker wees nie!

Verkwik jouself met 'n lekker kuiertjie op die plaas. Pragtige rustige omgewing. Baie netjies en skoon. Alle noodsaaklikhede vir 'n lekker kuier is beskikbaar. Was baie bly oor daardie skottelgoedwasser!

Baie lekker. Baie groen en mooi, genoeg plek vir almal om saam te kuier.

Lieflike plaashuis. Fantastiese, tradisionele plaashuis met oorgenoeg spasie. Heerlike leefarea met tafeltennistafel, gerieflike buitebraaiplek, ruim en suite-slaapkamers met pragtige dekor. Dit was wonderlik om in so 'n huis te bly met so baie geskiedenis. Die gashere, Duncan en Natasha, was baie behulpsaam en binne bereik vir enige navrae. Die gastehuis is gerieflik geleë naby Robertson in 'n pragtige omgewing. Ons sien uit om weer daar te gaan kuier!

Absoluut rustig, natuurskoon, omring deur bome en vars lug met die gerunnik van die koggelperd, Rudi. Was so 'n ontspannende ruskans. Duncan en Natasha jul was die beste! Dankie vir die geselsies en die groot bederf vir die bruidspaar. Lieflike huis met alles en nog meer as wat ons nodig gehad het. Dankie ook aan die huishoudster vir ekstra takies verrig. 'n Fantastiese uitspantyd saam met die familie. Ons het die oop spasie en ruime baie geniet. Ons sal graag weer daar bly. Baie sterkte en seën vir julle op die plaas.

Baie netjies, groot en gerieflik! Baie lekker, die huis het baie spasie en is baie netjies. Sal beslis weer daar bly.

Die huis is gerieflik ingerig. Ons was 10 persone en het die ou historiese huis baie geniet. Kamers was netjies en goed ingerig. Braaihout was verskaf. Die huis leen hom tot 'n lekker saamkuier. Duncan en Natasha baie vriendelik en behulpsaam.

Baie lekker en rustig, veral om die perde te sien. Die huis is in 'n rustige omgewing. Die woonvertrekke en slaapkamers is keurig. Die gedekte tafel in die eetkamer was baie smaakvol. Ek sal weer daar wil ontspan.