Waves Of Witsand Guesthouse

Selfsorg

Kapasiteit: 11 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Hoofstraat 89, Witsand, 6666, Wes-Kaap
Vanaf R700 per nag, vir 2 mense

Beskrywing

Waves Of Witsand Guesthouse is in Witsand, 'n oulike vissersdorpie by die Breederiviermonding in die Wes-Kaap, geleë. Dit is bekend daarvoor dat dit die hoogste konsentrasie suidelike Noordkaperwalvisse aan die Suid-Afrikaanse kuslyn het en bied 4 km se witsandstrand, manjifieke Kaapse fynbos, talle voëls en die geleentheid om verskeie watersportsoorte te beoefen insluitend sweefski, walviskyk, visvang en kanovaart.

Verblyf is beskikbaar in verskeie eenhede insluitend 'n Cosy Corner-selfsorgkothuis en die Pansy Shell-eenheid. Dit is ideaal vir gesinne. Daar is ook 'n kamer met slaapplek vir 6 wat ideaal is vir groepe vissermanne, fietsryers of motorfietsryers op 'n begroting. Die Whale- en Dolphin-kamers het elkeen 2 enkelbeddens. Alle kamers het en suite-badkamers, privaat ingange, veilige parkeerplek en gratis WiFi.

Indien 'n groep van ten minste 6 gaste 'n minimum van 2 nagte bly, is daar 'n moontlikheid dat die instansie eksklusief vir die groep bespreek kan word.

Daar is 'n gemeenskaplike kombuis wat gedeel word tussen net vier kamers, 'n TV in die sitkamer met 'n Alexa slim-luidspreker en 'n ruim buitelug-vermaakarea met braaigeriewe. Daar is ook 'n groot tuin met skoonmaak- en drooggeriewe vir vlieërplanke. Hangmatte is ook beskikbaar sodat gaste rustig kan terugsit, ontspan en die tuin kan bewonder.

Veilige parkeerplek is van die straat af beskikbaar vir bote en motorfietse.

Waves Of Witsand Guesthouse is net 10 minute se stap van die rivier af en minder as vyf minute se ry van die see en restaurante af.

Kry ’n Kwotasie