Bass Haven

Selfsorg

Kapasiteit: 9 persone
Alle ouderdomme is welkom
Inkloktyd: 15:00 tot 19:00
Uitkloktyd: 10:00
Adres: Bass-weg 2536, Bettysbaai, 7141, Wes-Kaap
Vanaf R3 350 per nag, vir 9 mense

Beskrywing

Bass Haven is 'n lieflike selfsorgvakansiehuis in die hartjie van Bettysbaai en spog met pragtige uitsigte oor die berge. Dit is 'n ideale opsie vir 'n gesinswegbreek, want hierdie huis is 2 minute se stap vanaf Bass Lake.

Dié eiendom bied gerieflike slaapplek vir 6 volwassenes en 3 kinders en beskik oor 4 slaapkamers en 3 badkamers. Die hoofslaapkamer is ingerig met 'n koningingrootte-bed en beskik oor 'n en suite-badkamer met 'n bad en 'n stort. Die tweede en derde slaapkamers het ook 'n koningingrootte-bed en die vierde slaapkamer het 'n enkelbed en 'n stapelbed wat net vir kinders geskik is. 'n Stort, wasbak en toilet is beskikbaar in die ander 2 badkamers.

Die ruim oopplan-leefarea beskik oor 'n kombuis wat volledig toegerus is met 'n gasstoof, elektriese oond, mikrogolf, yskas-vrieskas, eetgerei en breekware asook 'n sentrale eiland met stoele. 'n Wasmasjien is ook in die opwaskamer beskikbaar. Vanuit hierdie kombuis lei 'n sitarea met gemaklike sitplek, 'n kaggel en 'n TV met DStv. Toegang tot gratis WiFi is beskikbaar. Langs hierdie sitkamer is 'n etenstafel met oorgenoeg sitplek.

Buite is daar 'n onderdakstoep met sitplek en 'n ingeboude braai wat 'n wonderlike plek is vir 'n skemerkelkie in die aand terwyl die vuur brand. Gaste kry veilige parkeerplek agter 'n afstandbeheerde hek op die perseel.

Kry ’n Kwotasie