Beach Bungalow

Selfsorg

Soos Gesien op Facebook
Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Kusweg 48, Yzerfontein, 7500, Wes-Kaap
Vanaf R5 400 per nag (plek vir 6)

Beskrywing

Beach Bungalow is 'n bekoorlike, wit houthuis net 'n paar meter vanaf die strand. Hiér kan gaste sonbaai en die hele dag op die strand deurbring. Die huis is oorkant Yzerfontein se gewilde 25 km lange strand geleë, spog met 'n see-uitsig vanaf die leefarea en is ideaal vir 'n seevakansie saam met vriende of familie. Die huis het sonkrag en batterye, en dus sal gaste nie beurtkrag ervaar nie.

Die pragtige huis bied slaapplek aan 6 volwassenes en 2 kinders en beskik oor 4 slaapkamers en 3 badkamers. Die hoofslaapkamer het 'n koningingrootte-bed en 'n en suite-badkamer met 'n stort. Die tweede slaapkamer het 2 enkelbeddens en die derde slaapkamer het 'n stapelbed wat vir kinders geskik is. Die gaste in hierdie slaapkamers deel 'n badkamer met 'n stort. Die vierde slaapkamer is 'n aparte oopplan-eenheid met 2 enkelbeddens en 'n en suite-badkamer met 'n stort.

Die oopplan-leefarea het 'n kombuis wat met 'n gasstoof, elektriese oond, mikrogolfoond, yskas-vrieskas, eetgerei, breekware en tee- en koffiemaakgeriewe toegerus is. Die kombuis lei na 'n etenstafel met stoele en die sitarea het gemaklike sitplek, 'n platskerm-TV en gratis WiFi.

Die binnebraaikamer het sitplek, 'n uitsig oor die see en stapeldeure wat na 'n sonnige stoep met sonstoele en 'n sambreel lei. Ná 'n dag by die strand kan gaste die sand by die buitestort afspoel.

Die huis is net 'n paar meter vanaf 'n nabygeleë kroeg en restaurant, en die plaaslike bakkery, wat vir heerlike brood, croissants en ontbyt bekend is, is stapafstand vanaf die huis.

Kry ’n Kwotasie