Hallo, Eltricia Ek is verstom. In jou WhatsApp-boodskap ná jou vertrek het jy my bedank vir jou verblyf, en ek het nooit eers vermoed dat jy ongelukkig was oor jou verblyf nie. Jy het nooit by my of die kantoor gekla dat die woonstel stinkend en die skottelgoed vuil is nie. Ek het gedink jy is tevrede met die verblyf. As jy gekla het, sou ons dadelik die probleem aangespreek het. Hoekom het jy vir 6 dae gebly sonder om te kla oor die netheid van die woonstel, maar was vinnig om te kla oor die mense wat jou parkeerplek vat? Dit maak net nie sin nie. Ek het bevestig dat daar 'n probleem was met ander persone wat onwettig in jou parkeerplek geparkeer is. Hierdie gedrag van sommige mense is ongelukkig 'n probleem, en ek beplan om 'n soort hindernis te bou om sulke onwettige parkering te voorkom. Dit word egter bevestig dat die kantoor jou altyd bygestaan het met alternatiewe onderdakparkering terwyl hulle probeer het om die skuldige te identifiseer. Ek vra om verskoning daarvoor. Ek het die kantoor gekontak, en hulle het my verseker dat daar toiletpapier in die woonstel is. Ons verskaf egter nie handdoeke nie, soos volgens ons advertensie op die webwerf, asook ons bepalings en voorwaardes. Die dame van die kantoor wat toesig hou oor die skoonmaak van die woonstel, asook baie ander woonstelle in die gebou, ontken jou aantygings rakende die skoonheid van die woonstel. Die resensies oor die ander woonstelle waarvoor sy verantwoordelik was, was baie positief. Hoekom sal sy al die ander woonstelle behoorlik skoonmaak, maar nie hierdie een nie? Dit word bevestig dat ek met jou aankoms geen bevestiging van die besprekingsplatform ontvang het dat jy die balans van jou bespreking betaal het nie. Nadat jy vir my 'n bewys van betaling aan hulle gestuur het, het ek jou toegelaat om in te gaan. Ek het eers die volgende Maandag bevestiging van hulle ontvang dat jy die betaling gemaak het. Dit was nie my skuld nie maar ek vra weereens om verskoning daarvoor. Ek sal 'n verrassingsbesoek aan die woonstel doen om die skoonheid van die woonstel te inspekteer. Vriendelike groete, Johan

Hi Veronica. Baie dankie vir die review. Dit is met groot teleurstelling dat u nie van die woonstel gehou het nie. Dit word ontken dat beddegoed en gordyne vlekke het en beskou dit as onwaar en bloot 'n fabrikasie. U het wel 'n beweerde fout met 'n dakwaaier by kantoor aangemeld en gekla dat u nie weet hoe die skottelgoedwasser werk nie. U het egter nooit die beweerder vlekke op wasgoed en gordyne aangemeld nie en die vraag word gevra hoe 'n mens dit verstaan. Dit word bevestig dat u gekla het oor die waaier wat na u mening in die ronte gedraai het. Dit word verder bevestig dat daar 'n ekstra los staande waaier in die kamer was en dat u aangedui het dat dit dit nie nodig sal wees om die dakwaaier te herstel tydens u verblyf nie. Na u vertrek het ek 'n persoon gestuur om na die dakwaaier te kyk en hy het aan my terug gerapporteer dat daar niks fout is nie. U is ongelukkig die eerste kliënt wat ons sover gehad het wat nie weet hoe die mikrogolfoond en skottelgoedwasser werk nie. Ons sal daarna kyk om instruksies aan te bring. Dit word bevestig dat u die kantoor genader het rakende die skottelgoedwasser en dat Theresa u mooi gehelp het hoe dit werk. Dit word verder bevestig dat u nie verder enige klagtes in die verband gehad nie. Vriendelike groete, Johan

Dankie vir jou terugvoer Kaletso. Ek was nie bewus van die stukkende waaier nie totdat 'n latere gas my daaroor ingelig het. Dit word nou aangespreek. Ek is ook nie bewus van die armleuning van die bank wat stukkend is nie. Ek sal dit ondersoek en aanspreek. Dankie dat jy my ingelig het. As jy my gewaarsku het terwyl jy daar gebly het, sou ek dit dadelik aangespreek het. Ek vra onverskoning vir die ongerief.

Good day, Thank you for the response provided. Upon arrival, the unit was in a good and clean condition but on your departure, I noticed the shower and cabin doors had been damaged with no intent of compensation.

Hi Lientjie, jammer om te verneem van die probleem. Daar is egter trollies beskikbaar by die kantoor gedurende kantoor ure. Dit is die eerste keer wat ek verneem van 'n gas wat nie weet dat daar trollies beskikbaar is nie en sal werk aan 'n plan om gaste in te lig van die beskikbaarheid van die trollies. Vriendelike groete Johan

Hi. There is a swimming pool on the premises. Unfortunately, there is not a playground on the premises, but there is one very close within walking distance. There is also a place, within walking distance, where children can play video and other games. Additionally, there is a pool table at the building for the kids to play. Kind regards, Johan