Beautiful Horizons

Selfsorg

Kapasiteit: 4 persone
Alle ouderdomme is welkom
Inkloktyd: 14:00 tot 16:00
Uitkloktyd: 10:00
Adres: Blaauwbergstraat 4, Horizon Bay, Bloubergstrand, 7441, Wes-Kaap
Vanaf R2 200 per nag (plek vir 4)

Beskrywing

Beautiful Horizons bied gerieflike selfsorgverblyf in 'n smaakvol gemeubileerde woonstel met 'n asemrowende see-uitsig in 'n goedversorgde kompleks in Blouberg. Die kompleks bied 24 uur-sekuriteit en is net oorkant die pad van Blouberg se strandfront geleë.

Die woonstel op die vyfde verdieping bied slaapplek aan slegs 4 gaste en beskik oor 2 slaapkamers met ingeboude kaste. Die eerste slaapkamer het 'n koningingrootte-bed en 'n en suite-badkamer. Hierdie slaapkamer lei na 'n balkon met 'n lieflike uitsig oor die strand. Die tweede slaapkamer het 2 enkelbeddens en 'n aparte, privaat badkamer. Bad- en stortgeriewe is beskikbaar.

Die woonstel beskik oor 'n oopplan-kombuis en -leefarea. Die kombuis is vir selfsorg toegerus en sluit 'n yskas, oond, stoof en 'n mikrogolfoond in, en die sitarea het 'n TV met sekere DStv-kanale en Netflix. Die leefarea lei na 'n groot balkon waar gaste aan skemerkelkies kan teug terwyl hulle die uitsig oor die see met die talle vlieërbranderryers kan bewonder.

Die kompleks spog met 'n gemeenskaplike swembad en 'n koffiewinkel, restaurant en haarsalon op die grondverdieping, en dit is lekker naby restaurante en winkels geleë.

Die eenheid is op die vyfde verdieping en kinders moet dus op die balkon onder volwasse toesig wees.

Kry ’n Kwotasie