Beit-El

B&B

Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Snymanstraat 104, Eduan Park, Polokwane, 0699, Limpopo
Vanaf R970 per nag, vir 2 mense

Beskrywing

Beit-EL bied verblyf vir 10 gaste en is in 'n stil area in Polokwane.

Die verblyf beskik oor 4 slaapkamers. Die Royal-eenheid is geskik vir 3 gaste en het 1 enkelbed, 'n dubbelbed en 'n en suite-badkamer met 'n stort. Hierdie eenheid het ook 'n rusbank in die leefarea wat in 'n enkelbed omskep kan word. Die Rustic-eenheid het slaapplek vir 2 gaste en het 'n koninggrootte-bed met 'n en suite-badkamer met 'n stort.

Twee nuwe eenhede is bygevoeg, naamlik Splendor-eenhede 1 en 2. Splendor 1 het 2 enkelbeddens wat op versoek saamgeskuif kan word. Dit bied slaapplek vir 2 gaste. Splendor 2 het 'n koningingrootte-bed en 'n driekwartbed. In die sitarea is daar 'n dagbed waar 'n ekstra gas kan slaap. Dié eenheid het slaapplek vir 4 gaste.

Die Rustic-eenheid het 'n yskassie, mikrogolf en induksie-kookplaat met potte. Die Royal-eenheid het 'n yskas, mikrogolf, konveksie-oond en induksie-kookplaat met potte. Alle eenhede het tee- en koffiemaakgeriewe, lugversorging, 'n slim-TV met Netflix en DStv Compact en gaste het toegang tot gratis WiFi. Splendor-eenheid 1 het 'n yskassie, mikrogolf en breekware. Splendor-eenheid 2 is 'n gesinseenheid en het 'n yskas, mikrogolfoond en kooktoebehore. Splendor-eenheid 1 en 2 is langs die swembad en naby braaigeriewe, asook 'n trapmeul.

Polokwane het 'n gematigde klimaat wat nie te koud in die winter of te warm in die somer is nie. Dit is 'n kleurvolle dorp want daar is altyd plantspesies wat die hele jaar blom. Daar is verskeie besienswaardighede naby wat 'n wildplaas, reptielpark en leeuplase insluit.

Kry ’n Kwotasie