Beskrywing

Belcharto Self-catering Cottages is op die welbekende wynroete-deel van die Bottelary-pad naby Stellenbosch. Gerieflike verblyf word in hierdie gesogte area gebied, sentraal geleë tussen wynlandgoedere, al die bekende paaie en aktiwiteite.

Elke kothuis bied slaapplek aan 4 volwassenes en 1 kind en beskik oor 2 slaapkamers en 'n badkamer. Die eerste slaapkamer het 'n koningingrootte-bed en die tweede slaapkamer het 2 enkelbeddens. Die badkamer het 'n stort, toilet en 'n wasbak.

Die leefarea lei na 'n kombuis wat met 'n stoof, mikrogolfoond, broodrooster, ketel en ander toebehore toegerus is. Die kothuis word elke Maandag, Woensdag en Vrydag skoongemaak. Die skoonmaakdiens is nie op openbare vakansiedae en Sondae beskikbaar nie. Tee, koffie en melk word met aankoms voorsien. Daar is 'n TV in die leefarea met Openview en gratis WiFi is beskikbaar. Verder is daar verwarmers, komberse, 'n haardroër, braaigeriewe, 'n stoep, 'n swembad en onderdakparkeerplek vir jou voertuig.

Badhanddoeke en linne word voorsien, maar bring asb. jou eie strandhanddoeke. Die hele perseel is omhein met elektriese bedrading om veiligheid en gemoedsrus vir gaste te verseker. Daar is ook te alle tye 'n bestuurder beskikbaar vir noodgevalle.

Die gang-stoep het 'n uitsig oor die swembad en is beskikbaar as 'n onthaalarea vir groot groepe indien vooraf gereël. Belcharto is slegs 15 km vanaf Stellenbosch, 14 km vanaf Tygervallei Sentrum en 8 km vanaf Access City-fabrieksentrum. Daar is baie goeie kruidenierswarewinkels, wasserye en kitskos-restaurante slegs 5 km ver. Daar is 36 wynplase binne 'n 18 km radius vanaf Belcharto en ook uitstekende restaurante vir ontbyt, middagete en aandete.

Aanskou die uitsigte oor die wingerde, berge en voëllewe vanaf die kothuis en benut die pragtige stap- en drafroetes deur die wingerde, in die berge en om die damme.