Bell Park Self-catering

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: R600 Champagne Valley, Winterton, 3340, KwaZulu-Natal
Vanaf R880 per nag, vir 2 mense

Beskrywing

Bell Park B&B and Self-catering is in Champagne Valley in die Sentrale Drakensberge geleë. Dit is op ’n klein, veilige plaas met ’n groot tuin met 'n uitsig oor die Bell Park-dam. Alhoewel die plaas bedrywig is, is dit steeds rustig en bied dit die ideale wegbreek.

Daar is 'n woonstelletjie met slaapplek vir 2 langs die hoofopstal en dit het 'n koninggrootte-bed en 'n en suite-badkamer met 'n stort. Daar is ook 'n kombuis, sitkamer met 'n slim-TV, 'n eetarea, WiFi, lugversorging, 'n kaggel en 'n stoep met braaigeriewe en 'n uitsig oor die tuin.

Die kothuis met slaapplek vir 4 beskik oor 'n slaapkamer met 'n koningingrootte-bed en 'n en suite-badkamer met 'n bad en 'n stort. Die tweede slaapkamer het 2 enkelbeddens en 'n gastebadkamer met 'n stort. Daar is ook 'n oopplan-kombuis, sitarea met 'n slim-TV, WiFi, 'n kaggel en 'n eetarea. Die kothuis het 2 stoepe en braaigeriewe met 'n uitsig oor die tuin. 'n Onderdakparkeerplek is beskikbaar.

In die hoofopstal is 'n koningkamer, 'n en suite-badkamer met 'n bad en 'n stort, 'n privaat ingang en 'n stoep. 'n Yskassie, mikrogolfoond, tee- en koffiemaakgeriewe, 'n slim-TV, WiFi en braaigeriewe is beskikbaar.

Champagne Valley bied verskeie restaurante, kroeë en koffiewinkels, kwintwinkels, spa-behandelinge, voetslaanpaaie, perdry, gholf, visvang, ’n avontuursentrum, ’n boomtoptoer, mini-gholf, vierwielmotorfietsritte, helikopter-ritte, bootritte, swem, Falcon Ridge Bird of Prey-sentrum, en Drankensberg Seunskoor. Die dorp Winterton is sowat 28 km ver.

Kry ’n Kwotasie