Beskrywing

Bella Vista is 'n selfsorg-eenheid vir 4 gaste in Gansbaai en bied 'n uitsig oor die see in die verte.

Bella Vista beteken "mooi uitsig" in Italiaans en hierdie ruim woonstel is op die derde verdieping van 'n woonstelkompleks. Dit het slaapplek vir 4 volwassenes en 1 kind en beskik oor 2 slaapkamers, 2 badkamers, 'n kombuis en 'n sitarea.

Die hoofslaapkamer maak op die balkon oop en het 'n dubbelbed, asook 'n en suite-badkamer met 'n stort. Die tweede slaapkamer het 'n stapelbed en 'n kinderbed en bied toegang tot 'n aparte badkamer met 'n bad.

Die oopplan-kombuis is met 'n stoof, oond, mikrogolf, yskas en tee- en koffiemaakgeriewe toegerus. Gaste kan hul maaltye by die ontbyttoonbank geniet.

Daar is 'n TV met sekere DStv-kanale in die sitarea wat ook toegang bied tot die balkon. Die woonstel het internet.

Die balkon het braaigeriewe en daar is 'n spiraaltrap na 'n privaat dek met 'n tweede braai en 'n 360 grade-uitsig oor Gansbaai. Onderdakparkeerplek vir 1 voertuig is beskikbaar.

Gansbaai bied aktiwiteite soos walviskyk tussen Julie en November, haaihokduik, voetslaan- en staproetes deur die fynbos, asook besienswaardighede soos die Danger Point-vuurtoring, Strandveldmusuem en die Afrika-pikkewyn- en Seevoël-bewarea.