Bellamente Sirene Guesthouse

Selfsorg

Kapasiteit: 20 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Cove-straat 13, De Kelders, Gansbaai, 7220, Wes-Kaap
Vanaf ~~R1 800~~ R1 620 per nag (plek vir 2)

Beskrywing

Bellamente Sirene Guesthouse is 'n moderne gastehuis met 'n Mediterreense styl. Dis stapafstand vanaf Stanford's Cove in die Atlantiese Oseaan se prentjiemooi kus en dit bied 'n uitsig oor die fynbosstrook.

Gerieflike verblyf word in 6 smaakvol versierde selfsorgwoonstelle aangebied. Dis ideaal vir paartjies, gesinne of klein groepe. Elke woonstel het 'n leef- en eetarea en 'n kombuisie. Elke kombuisie het verhit-en-eetgeriewe met 'n yskas, mikrogolfoond en tee- en koffiemaakgeriewe.

Die gastehuis bied veilige parkeerplek en gratis WiFi. Dis die ideale basis waarvandaan gaste die Overberg kan verken.

Die pragtige, ongerepte kuslyn bied kranspaadjies wat ideaal is vir voetslaan en walviskyk wanneer hulle in Walkerbaai kom baljaar. Gaste kan ook die 24 km lange voetslaanroete aanpak, wat al langs die kus vanaf Walkerbaai Natuurreservaat tot by Hermanus se strandmeer strek. Die Klipgat-grotte kan oo verken word.

Aktiwiteite in die omgewing sluit haaihokduik, walviskyk, voëlkyk, bootvaarte, visvang, perdry en 4x4-roetes in.

Kry ’n Kwotasie