Goed geleë en ruim verblyf . Die woonstel is baie goed geleë, naby winkels en die strand met 'n gevoel van veiligheid. Ons het baie lekker gebly. Ons was net verras met die feit dat ons toegang moes betaal en vir elekrisiteit.

Good Position and good size, poor service from agent All good, but service from agent poor, DStv did not work on arrival and took a full day to resolve. Fridge/cooler did not work, diabetic family member had insulin to keep cool and this was a problem. It spoilt the arrival and first couple of days.

Ons wou nie huistoe kom nie! Die estate was beautiful, ons het oggend stappies geniet deur die straatjies, en opgeeïndig op die strand, want dis so naby aan die huisies. Die huis waarin ons gebly het was so gemaklik, veral met 5 maande oue baba, en ons het die mooiste uitsig in die oggende gehad van ons slaapkamer af. Ons sal enige tyd weer teruggaan. Elke sent werd. Dankie!

Beste Kaapstad-ervaring ooit. Die kinders was gaande oor die uitsig en verblyf. Ons ervaring was net ongelooflik. Wat ons op die foto's gesien het, was presies wat ons gekry het en meer. Van die intrapslag, die vriendelike sekuriteitsdiens, tot die dae wat ons op die strand deurgebring het, was iets om te onthou. Toegang na en van die strand was 'n vreugde.

Vrek lekker verblyf. Die akkommodasie was een van die bestes wat ons as 'n gesin kon geniet. Ons het tienerdogters en ons kon lekker saam kuier maar het terselfdertyd ons eie space, ons het nie een keer in mekaar se pad gevoel nie. Dis te danke aan die lekker spasie wat elkeen van ons kon hê. Die geriewe was aangenaam, ons het die veilige parkering asook dat dit 'n Gated Community is werklik geniet. Ons was aangenaam verras om so waarde vir geld te kon geniet. Ons kom definitief terug en sal dit hoog aanbeveel by familie en vriende.

Awesome. Lekker gebly, als wat ons nodig gehad het is in woonstel. Dit het soos ons eie plek gevoel. Ons het baie lekker gebly. Cape Surprise is die plek om tuis te gaan. Sal dit aanbeveel.

Baie lekker. Baie betroubare mense, ek het ringe van my en my ID daar vergeet en hulle het dit vir my gestuur.

Baie lekker. Die verblyf was lekker, maar hoekom moet ek betaal vir die toegang en krag. Ek het mos klaar betaal vir die plek.

Dit was 'n ruim woonstel met al die geriewe om 'n mens se verblyf aangenaam te maak. Die naam Cape Surprise was verwarrend, want ons het 'n woonstel met die soortgelyke naam gesoek. Die ontvangs was nie so warm en behulpsaam nie, maar die ruim woonstel en uitsig het opgemaak hiervoor. Die beddegoed en woonstel was mooi skoon maar die kombuisware bv. rasper, van die borde, glase, eetgerei ens. was nie baie skoon nie. Die woonstel is nie naby winkels geleë nie wat beide voordelig en nadelig is. Voordelig, want dit is rustig en geen gewoel nie, en nadelig want 'n mens kan nie gou stap om iets te ete of drinke te kry nie. Jy moet ry om by winkels uit te kom.