Big Blue Breaks

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Macleanstraat 106, Umkomaas, 4170, KwaZulu-Natal
Vanaf R800 per nag (plek vir 2)

Beskrywing

Big Blue Breaks is 'n lieflike gastehuis in Umkomaas aan die KwaZulu-Natal kus. Dit is net 50 km van Durban af en gebruik sonkrag tydens beurtkrag.

Verblyf word aangebied in 'n gesinseenheid en 'n eenheid met slaapplek vir 2. Die gesinseenheid het 'n aparte slaapkamer met 'n koningingrootte-bed en 'n dubbelslaapbank in die sitarea wat geskik is vir 2 kinders onder die ouderdom van 12. Die eenheid met slaapplek vir 2 het 'n oopplan-ontwerp met 'n dubbelbed. Elke eenheid het 'n privaat badkamer met 'n stort, wasbak en toilet. Alle linne en badhanddoeke word voorsien, maar gaste moet hul eie swemhanddoeke saambring.

Elke eenheid het 'n privaat stoep met braaigeriewe en 'n kombuisie wat met 'n induksie- of gasstoof, mikrogolf, yskassie, eetgerei, breekware en tee- en koffiemaakgeriewe toegerus is. Daar is ook 'n gemeenskaplike swembad, TV en gratis WiFi-toegang.

Die gastehuis is ideaal geleë sodat gaste die vreedsame prag van die Suidkus kan waardeer met die beroemde Aliwal Shoal wat manjifieke riwwe bied waar gaste kan gaan skubaduik. Haaiduikuitstappies is sommer op jou drumpel beskikbaar. Nabygeleë aktiwiteite en uitstappies sluit watersport, gholf en die swemstrande van Scottburgh en Pennington in.

Kry ’n Kwotasie