Big Fish Seaside Cottage

Selfsorg

Kapasiteit: 10 persone
Alle ouderdomme is welkom
Inkloktyd: 15:00 tot 23:00
Uitkloktyd: 10:00
Adres: Cardiff-laan 847, Leisure Bay, 4278, KwaZulu-Natal
Vanaf R1 850 per nag (plek vir 10)

Beskrywing

Big Fish Seaside Cottage is 'n dubbelverdieping-selfsorghuis in Leisure Bay, net 5 minute se stap van die strand af. Die huis bied 'n pragtige uitsig vanaf die boonste balkon in Port Edward se rigting en dit is net sowat 8 km van die dorp af so gaste kan maklik by die Spar uitkom vir kruideniersware. As jy 'n bietjie verder uitry en die Mtamvuna-rivier oorsteek, is jy in 'n japtrap by die Wild Coast Sun waar jy 'n potjie gholf kan speel of die gesin na die Wild Waves Waterpark kan neem.

Die huis het slaapplek vir 10 gaste en beskik oor 4 slaapkamers op die boonste verdieping, asook 'n slaapkamer, 2 badkamers, 'n oopplan-kombuis, -eetarea en -leefarea op die onderste verdieping. Die eerste, derde en vierde slaapkamer het elk 'n koningingrootte-bed en die tweede slaapkamer het 2 enkelbeddens. Die 1 leefarea en slaapkamer op die onderste verdieping het lugversorging. Die eerste badkamer het 'n bad, stort, toilet en 'n wasbak en die tweede badkamer het 'n stort, toilet en 'n wasbak. Daar is ook 'n gastetoilet.

Die kombuis is met 2 yskas-vrieskaste, 'n stoof, oond, mikrogolf, ketel, 'n skottelgoedwasser en 'n wasmasjien toegerus en daar is 'n tuimeldroër. Daar is oorgenoeg sitplek in die leefarea met lugversorging en 'n TV met DStv. Buite is daar 'n dek met sitplek en 'n ingeboude braai. Die TV, DStv en WiFi is aan 'n omsetter gekoppel wat tydens beurtkrag inskop.

Onderdakparkeerplek in 'n motorhawe is beskikbaar op die perseel. Hierdie huis is hond-vriendelik en gaste se troeteldiere kan saamkom, mits dit vooraf gereël word.

Kry ’n Kwotasie