Bird's Nest

Selfsorg

Kapasiteit: 2 persone
Geen kinders
Inkloktyd: 14:00 tot 19:00
Uitkloktyd: 10:00
Adres: Malanstraat 112, Riviera, Pretoria, 0084, Gauteng
Vanaf R900 per nag, vir 2 mense

Beskrywing

Bird's Nest bied selfsorgverblyf in 'n tuinwoonstel op die eienaars se woonerf. Die eiendom is sentraal in Riviera in Pretoria geleë en bied maklike toegang tot hospitale, verskeie akademiese instansies, regeringsgeboue, ambassades, sportgeriewe, winkels, parke en besienswaardighede in Pretoria. Dit is ideaal vir sakereisigers, studente of oornaggaste.

Hierdie selfsorgwoonstel word nie sonder rede Bird's Nest genoem nie en nagapies kom kuier gereeld. Die woonstel se ontwerp komplimenteer die ouwêreldse karakter van die area.

Die woonstel bied slaapplek aan 'n enkelreisiger of 'n paartjie en beskik oor 'n slaapkamer met 'n dubbelbed. 'n Aparte kamer is as 'n studeerkamer ingerig. Die stort is 'n kamer op sy eie met 'n aantrekarea. Dit het 'n infrarooi verwarmer om in die wintermaande te help. Die toilet is heeltemal apart met 'n handewasbak. Die kombuis is met 'n yskas, induksiestoof en 'n mikrogolfoond toegerus en daar is 'n opwasbak. Die sitarea het 'n TV met sekere DStv-kanale.

Die sitarea lei na 'n onderdakstoep met 'n eetarea. Daar is ook 'n wasmasjien, 'n wasbak en 'n braai. Die privaat tuin is slegs toeganklik vir gaste.

Daar is veilige parkeerplek agter 'n veiligheidshek en onder 'n skadunet.

Kry ’n Kwotasie