Beskrywing

Birdsong is 'n bekoorlike selfsorg-tuinkothuis met 'n privaat ingang op die eienaar se perseel. Dit is sentraal in Stanford geleë en is ideaal vir vakansiegangers en sakereisigers.

Dié knus eenheid bied slaapplek aan 2 volwassenes en 2 kinders en beskik oor 'n slaapkamer en 2 badkamers. Die slaapkamer het 'n koningingrootte-bed en 'n en suite-badkamer met 'n stort. Die gastebadkamer het 'n stort. Linne en badhanddoeke word voorsien.

Dié eenheid het 'n oopplan-leefarea en beskik oor 'n kombuis wat met 'n gasstoof, oond, mikrogolfoond, yskas-vrieskas, eetgerei, breekware, koffie- en teemaakgeriewe en 'n skottelgoedwasser toegerus is. Die kombuis lei na 'n etenstafel met sitplek vir 4 en die aangrensende sitarea het gemaklike sitplek en 'n dubbelslaapbank vir kinders. Daar is 'n TV en toegang tot gratis WiFi is beskikbaar.

Die houtdek het 'n braai en 'n uitsig oor die tuin en op die berge. Die tuin spog ook met 'n ryk voëllewe.