Bitou Rivier Lodge

B&B

Kapasiteit: 10 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Langs die R340, Wittedrifpad, Plettenbergbaai, 6600, Wes-Kaap
Vanaf R2 800 per nag, vir 2 mense
TGCSA-gradering:

Beskrywing

Bitou River Lodge is in Plettenbergbaai, 'n kusdorp langs die Tuinroete geleë. Die dorpie is bekend vir die avontuur en verskeidenheid aktiwiteite wat hier te vinde is, wat valskermspring, walviskyk, branderplankry, kajak, diepsee-visvang, reksprong en nog vele meer insluit. Dit is die perfekte ligging vir reisigers wat op soek is na 'n wegbreekplekkie ver van die stad se gedruis.

Al die kamers het uitsigte oor die tuin in die rigting van die rivier. Elke kamer het sy eie ingang en sy eie en suite-badkamer met ondervloerse verhitting en 'n waaier. Die kamers het 'n TV en 'n kombuisie met 'n yskassie, mikrogolf, Nespresso-masjien, eetgerei en breekware. Elke kamer het braaigeriewe wat verskuif kan word tot in die tuin of langs die rivier.

Die gaste-sitkamer en ontbytkamer het kaggels en ondervloerse verhitting vir die vroeë oggende en winteraande. In die somer bly die skuifdeure oop en die reuk van kanferfoelie meng met die aroma van ontbytkoffie. Veilige parkeerplek en gratis WiFi is beskikbaar.

Kano's is vryelik beskikbaar vir gaste, dis 'n ander manier om voëls te kyk. Daar is ook waterskilpaaie en otters in die rivier. Daar is 'n eko-wandelpad rondom die plaas, met inheemse bome wat gemerk is vir diegene wat gretig is om hulle te identifiseer en 'n verskeidenheid voëls om te sien, van die elegante bloukraanvoël tot die heel klein wewervoël; van die Knysnaloerie tot die Afrika hoep-hoep.

Kry ’n Kwotasie