Bleshoender Accommodation

Selfsorg

Kapasiteit: 4 persone
Alle ouderdomme is welkom
Inkloktyd: 14:00 tot 21:00
Uitkloktyd: 10:00
Adres: Bleshoenderstraat 71, Sedgefield, 6573, Wes-Kaap
Vanaf R900 per nag, vir 4 mense

Beskrywing

Bleshoender Accommodation is 'n selfsorg-eenheid in Sedgefield, die hartjie van die Tuinroete. Dit is 25 km vanaf Knysna, en 35 km vanaf George. Dit is die ideale basis vanwaar mens die Tuinroete kan verken. Binne 'n uur of minder kan jy Mosselbaai, Hartenbos, Oudtshoorn, Plettenbergbaai, Buffelsbaai, Brenton-on-sea, Wilderniss, Victoriabaai, Heroldsbaai, Groot Brak rivier, Klein Brak rivier of Glentana bereik. Stormsrivier is net 110 km weg met die wêreld se hoogste rekspringbrug vir die dappers van hart. Of probeer die langste ritsrit oor die see by Mosselbaai.

Gerieflike verblyf word gebied vir 2 - 3 volwassenes of 2 volwassenes en 2 kinders, in 'n woonstel onder die hoof privaat woning. Dit beskik oor 'n dubbelbed en 'n dubbelbedslaapbank in die sitkamer. Gaste moet hul eie lakens, kussingslope en strandhanddoeke saambring. Badhanddoeke, kussings en komberse sal voorsien word.

Die kombuisie is toegerus met 'n mikrogolfoond, yskas, braaipan, broodrooster en toebroodjie-rooster asook 'n tweeplaatstoof met 'n oondjie. Die badkamer is toegerus met 'n groot stort. Daar is WiFi-internettoegang en 'n TV met die volledige DStv-ruiker vir jou kykgenot.

Skottelgoed moet in die buite wasbak gedoen word aangesien daar geen fasiliteit of spasie beskikbaar is in die woonstel nie.

Omdat die eenheid in 'n panhandvatsel geleë is, is daar geen veilige plek vir klein kinders om te speel nie, want die omgewing is in vlakke en die oprit is baie steil. Kinders moet deurentyd onder toesig wees.

Daar is 'n buitebraai-gerief voor die woonstel. Ons spyt, geen parkering is beskikbaar vir sleepwaens, bote, woonwaens of 'n ekstra voertuig nie.

Die instansie is in die heerlike dorpie Sedgefield met die mooiste uitsigte, baie stil en omring deur voëls van alle soorte. Dit is binne 'n radius van 1,5 tot 2 km vanaf 'n paar pragtige strande, die strandmeer en winkels. Op 'n naweek is die bekende Wild Oats-, Mosaïek- en Scarab-markte oop en mense reis elke Saterdag uit alle omgewings om hierdie markte te kom geniet.

Kry ’n Kwotasie