Beskrywing

Blessings is 'n knus selfsorg-tuinwoonstel vir 4 gaste. (2 volwassenes en 3 kinders kan ook geakkommodeer word) in Pearly Beach, net 400m van die strand af.

Die tuinwoonstel is op die eienaar se perseel geleë en beskik oor 1 slaapkamer, 1 badkamer, 'n oopplan kombuis en leefarea. Die slaapkamer het 'n dubbelbed en 'n stapelbed met en-suite badkamer met 'n stort, toilet en 'n wasbak. Daar is nog 'n slaapbank in die leefarea. Linne en badhanddoeke word voorsien, maar gaste moet hul eie swemhanddoeke saambring.

Die oopplan-kombuis is volledig toegerus met 'n stoof, 'n oond, 'n mikrogolfoond, 'n yskas-vrieskas, eetgerei, breekware en tee- en koffiemaakgeriewe. Etes kan by die toonbank of buite-etenstafel geniet word. Daar is 'n TV met 'n DStv-koppelpunt, maar gaste moet hul eie dekodeerder, afstandbeheer en slimkaart saambring. Daar is geen kragopwekker nie, maar noodligte is beskikbaar.

Die leefarea lei na 'n onderdakstoep en braaiarea (bring eie hout en rooster) Veilige parkeerplek word voorsien en die erf is heeltemal omhein.

Blessings is naby verskeie winkels en restaurante geleë. Pearly Beach word deur fynbos omring, wat die tuiste van 'n oorvloed voëls en klein bokke is, en die area bied swem, visvang, walviskyk tydens seisoentyd, haaihokduik en 'n rits stap- en voetslaanroetes om te verken.

Let asb. dat indien volwassenes wil deel, is daar slegs privaatheid vir 2 gaste aangesien die slaapbank in die leefarea is. Blessings is ideaal vir 'n gesin van vier.