Dit was ongelooflik koud. Die huis is presies wat jy sou verwag. Groot, ouerige huis op die Vrystaatse platteland. En alles was pragtig skoon en netjies. Maar as jy hier wil oorbly, kom in die somer. Dit was ongelooflik koud die nag en vroeg die volgende oggend. Daar was 'n elektriese kombers op een bed, maar ons het nie geweet hoe die gasverwarmer in die eetkamer werk nie. Wees ook gewaarsku, dis 'n piepklein dorpie en die moontlikhede vir iewers eet is baie beperk. Maar baie vriendelike mense, veral Essie wat vir ons oopgesluit het.

Daar is alles wat 'n mens benodig. Baie gemaklik met alles wat 'n mens benodig en meer. Die huis is ruim en gemaklik gemeubileer. Die badkamer is goed uitgelê met 'n bad en 'n baie lekker stort. Al wat gepla het, is die dubbelbed in een van die kamers wat redelik ongemaklik is. Dit is definitief tyd vir 'n plaasvervanger! Die toegangshek is ook baie nou, en groter sportnutsvoertuie sal nie deur die hek kan ry nie.

Lovely house great for families. Charming comfortable house with lovely touches.

Outydse plaassjarme. Hierdie woning is geensins modern nie, maar is tot op die been toegerus met alles wat jy nodig het. Met genoeg ruimte en baie speelgoed is dit ideaal vir 'n gesin met klein kinders. Met 'n knus braai-area, het dit die sonsonder braai heel aangenaam gemaak. Dankie Bloekomhuis.

Lekker gemaklike oornagplek vir 'n gesin met kinders. Regte ou huisie in 'n klein dorpie. Niks fênsie nie, maar ons het so gemaklik geslaap met alles wat ons nodig gehad het. Ideaal vir 'n gesin met kinders. Daar is selfs lekker speelgoed vir die kinders, so lekker na 'n lang dag se ry. Veilige erf waar kinders ook lekker kan rondbeweeg en speel. Regtig waarde vir geld, baie spasie vir almal om gemaklik te wees. Ons sal weer daar slaap.

Definitief nie wat omns verwag het nie. 'n Skok vir die oog. As dit nie laat en reënerig was nie het ons ander plek gesoek! Die oggend was daar nie water nie. Al was die dorp se water af het niemand die moeite gedoen om ons in kennis te stel nie.

Dit was ruim en netjies met al die geriewe vir 'n vakansie! Dit was 'n baie goeie toegeruste huis met alles en nog wat. Die huis is ruim en baie netjies. Ons het dit vreeslik geniet om daar te oornag!

Decent stay Good value for money and safe.