Blomvlei Garden Cottage

Selfsorg

Gratis kansellasie tot 1 week voor jou verblyf!
Kapasiteit: 4 persone
3 volwassenes, 1 kind
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Van Der Merwe-singel 19, Welgemoed, Bellville, 7530, Wes-Kaap
Vanaf R950 per nag, vir 3 mense

Beskrywing

Blomvlei Garden Cottage is 'n bekoorlike selfsorgwoonstelletjie met 'n aparte kothuis op die eienaar se perseel in 'n rustige area in Bellville in die noordelike voorstede van Kaapstad. Dit is perfek vir 'n klein gesin of 'n paartjie wat op soek is na 'n goeie basis vanwaar hul die Moederstad kan verken.

Die kothuis bied slaapplek aan 2 volwassenes en 2 kinders of 3 volwassenes en 1 kind. Dit beskik oor 1 slaapkamer en 'n badkamer. Let asb. dat die eenheid nie geskik is vir 4 volwassenes nie. Die slaapkamer met lugversorging het 'n dubbelbed en 'n enkelbed. Die badkamer het 'n stort, wasbak en 'n toilet. Alle linne en badhanddoeke word voorsien.

Die oopplan-leefarea het 'n kombuisie wat met 'n tweeplaatstoof, mikrogolf, yskas-vrieskas, eetgerei en breekware toegerus is. 'n Wasmasjien is ook beskikbaar. Die kombuis lei na 'n etenstafel, sitarea met gemaklike sitplek en 'n enkelbed. Daar is ook 'n TV met sekere DStv-kanale. Gratis WiFi is beskikbaar.

Die leefarea lei na 'n sonnige stoep met buitesitplek en 'n ingeboude braai wat dit die ideale plek vir 'n skemerkelkie maak. Veilige parkeerplek is op die perseel agter 'n afstandbeheerde hek beskikbaar.

Die tuin is omhein en daar is oorgenoeg veilige parkeerplek vir 2 voertuie en 'n sleepwa. Die perseel is troeteldiervriendelik. Let asb. dat die eienaar 3 mediumgrootte Border Collie-kruis honde het. Hulle is goed gemanierd en kom oor die weg met ander honde en katte.

Kry ’n Kwotasie